Written By Hasan Iessa

كُتبت في: 22/06/2020 يمتلك الطائر زوجًا من الأجنحة (مصدر) ويستطيع أغلب الطيور الطيران ما عدا بعض الطيور مثل البطريق (مصدر) والنعام (مصدر) وعصافير الدوري.. لا يمتلك الإنسان أجنحة ولكنه قام باختراع الطائرات عام 1903م (مصدر) ويعتقد العلماء أنه سيتمكن من الطيران دون استخدام أي معدات في عام 2173م حسب العديد من الدراسات.. ومن هنا نستنتج أن التطور السلوكي للإنسان قد يحقق أكثر مما قد يحققه التطور البيولوجي، لأن رغبة البشر بشيء ما تحفز الدماغ على إرسال إشارات عصبية إلى مختلف أنحاء الجسم (مصدر) مما يولد طاقة في بوابات الجسم السبعة تساعد الجسم على الطيران.. إذا قرأ أي منكم هذا المقطع المكون من حوالي الـ90 كلمة سيجد فيه خمس مصادر وجميعها علمية وموثقة (فمن السهل تقديم مصدر علمي موثوق على أن الطيور تمتلك زوج من الأجنحة، أو أن البطريق والنعام لا يستطيعون الطيران، أو أن اختراع الطيارات حدث عام 1903م، أو أن الدماغ يرسل إشارات عصبية إلى مختلف أنحاء الجسم... ولكن ماذا عن باقي المعلومات التي يحتويها المقطع؟ وماذا عن الاستنتاج الأخير في المقطع؟ من يقيم صحتهم وخطأهم؟ وهل مجرد وضع مصادر صحيحة وموثوقة يجعل ال...

كُتبت في: 16/06/2020 عزيزي/تي المتابع/ة.. تحية فيسبوكية، أما بعد... فيما يأتي بعض النقاط المهم التي عليك اتباعها كي تُرضي جميع الأذواق أثناء النقاش: - اتعب على نفسك واعمل ليستا كاملة لكل مشاكل البشرية والكرة الأرضية وحاول أن تتحدث عنها جميعها معًا لتتجنب تعليقات مثل (طيب وليش حكيت عن هي الشغلة وما حكيت عن غيرها؟، طيب عم تحكي عن هاد بينما في هاد عم يصير معو هيك وهيك، يعني كل شي في مصايب هون عم تحكي عن هونيك).. ولا تحاول أن تقوم بتغطية هذه المشاكل حسب أولوية مدروسة فمهما كانت أولويتك مدروسة فإنها لن تناسب أولوية أحد ما سيقفز لك في التعليقات... ولتذهب مغالطة "ماذا عن" Whatabout Fallacy إلى الجحيم.. - كن مستعدًا ليس فقط لتحمل مسؤولية إثبات ادعائك بالدليل، بل وأيضًا نفي ونقض ادعاء غيرك بالدليل حتى لو كان غيرك غير قادر على إثبات ادعائه بالدليل لأنو مو شغلتو يضيع وقتو معك ويثبتلك... ولتذهب مغالطة عبء الإثبات Burden of Proof إلى الجحيم.. - كن مستعدًا لأن تعرف الإجابة على كل أسئلة الكون لأنك إن كنت لا تعرف الإجابة فيحق لمن يناقشك وضع أي سيناريو يريد ولا يحق لك الاعتراض حتى لو لم يقدم ...

كُتبت في: 09/06/2020 عزيزي الفيسبوكي الظريف "سكّر تمك"... بالأحوال العادية ولما تسمع حدا عم يسأل شي بيدل على ألم أو وجع أو ميول اكتئابية أو ميول انتحارية أو أي شيء من هاد القبيل، فأنت قدام حالتين بيتفرع عنها عدة حالات حسب ردة فعلك على ما قاله الشخص، خلينا نحللهم سوا: الحالة الأولى- هاد الشخص عم يمزح: وهون ردك المازح أو السخيف أو الغبي ما رح يفيدك غير بكم لايك وهاها من حدا سخيف متلك، وصحيح أنو ما رح يضر الشخص التاني لأنو أساسًا عم يمزح لكن قد يضر حدا تاني عم يمر بنفس حالتو وقرأ كلامك أو سمعو.. أما عدم ردك ما رح يضرك شي ولا يضر حدا غيرك... الحالة التانية- هاد الشخص عم يحكي جد: وهون ردك المازح أو السخيف ممكن يدمر الشخص، وممكن يقرؤوا ويحز بنفسو ويزيد مشكلتو، وممكن يطنشو وما يهتم فيه بس غيرو يهتم فيه ويتضرر؛ أما ردك المسؤول قد يكون مساعدًا ألو أو لغيرو؛ بينما عدم ردك في حال كنت لست متأكدًا من الطريقة الصحيحة للرد فلن يسبب أي ضرر... هي الحالات لخصتها بالصورة: وهيك بنلاقي أنو أفضل شي بتعملو لما بتشوف حدا كاتب أو حدا عم يحكي حكي فيه يأس واكتئاب وألم وميول انتحارية هوي إما الرد المسؤو...

كُتبت في: 05/06/2020 كتير بنشوف حالات إجرام وقتل وموت بس أحقر الحالات هيي لما بكون القتل دون مبرر، وتزداد الحقارة لما بكون في استلذاذ بالقتل أو بكون القتل من أجل التسلية، وتصبح الحقارة في أعلى مستوياتها لما بكون القتل لكائن أضعف منك بدنيًا أو لتمكنك منه بسبب أنك كائن "عاقل" أو لأنو أمّن فيك أو مو قادر يدافع عن حالو... آخر فترة شفنا قصة الصبيتين اللي داسوا قطة صغيرة، واليوم منتشر جدًا قصة الفيلة الأم الحامل اللي تم تفجير تمها بأناناسة مفخخة... أنا رح أحكي عن الموضوع من منطلق إنساني.. ولما قول من منطلق إنساني فلا أقصد منطق اللطف والتسامح والعطف لأنو "الإنسانية" لا تعبر عن الرحمة والعطف بل تعبر عن الأنانية والدمار والجبروت والغرور والشر وهاد طبيعي ينتج عن هاد الكائن العاقل اللي عالأغلب هي الصفات هيي اللي سببت استمرارو.. والإنسان كجنس بشكل عام قد يكون سبب استمراو هوي ماضي مخجل متلو متل كتير ممالك وحضارات ودول قامت على ماضي وتاريخ أسود ومقزز ومخجل فمن الطبيعي يكون الإنسان كجنس استمر وتطور بهيك طريقة.. لذلك رح أحكي عن الموضوع من منطلق إنساني أناني واللي هوي كيفية تأثير ها...

كُتبت في: 30/05/2020 هدف وجود الكائنات الحية على الأرض (إذا حبينا نختصر الموضوع) يتمثل بالاستمرار في الوجود عبر نقل الجينات إلى أجيال قادمة، وكذلك عبر نقل السلوكيات التي اكتسبها.  الجينات قد تتغير بتأثير التطور الجيني عبر الطفرات وغيرها والإصطفاء الطبيعي وهاد نوعًا ما خارج سيطرة الكائن الحي، أما السلوكيات فهيي أشياء أيضًا تتغير حسب الحاجة للتكيف.  ولكن في حالة الإنسان اللي مستوى الإدراك والوعي عندو عالي فالسلوكيات تحولت من مجرد سلوكيات غريزية إلى سلوكيات إرادية إجتماعية وفكرية وثقافية من السهل التحكم فيها مقارنة بسلوكيات باقي الأحياء. بالتالي يمكن القول أن الإنسان يمكنه التحكم بسهولة بالسلوكيات التي ينقلها لطفله دون الحاجة للانتظار فترة طويلة كي تجبر الظروف الإنسان على تغيير سلوكياتو وهاد يوفر عليه كتير مصائب وضحايا.  يعني مثلًا الإنسان مو ضروري ينطر لحتى يموت كل الأفراد اللي عندهم سلوكيات غير مناسبة للتكيف مع الوسط بحيث يضل بس الأفراد ذوي السلوكيات المناسبة للتكيف وبالتالي يصير تكيف سلوكي طبيعي، بل ببساطة قادر يفكر بمحيطو وياخد قرار بتغيير سلوكو ومن ثم توريث السلوك الصحي...

كُتبت في: 20/05/2020 إحدى السمات التي تتشارك فيها السوشال ميديا مع الحياة الواقعية هي عقلية التسويق التي تنمو مع البشر.. فالجميع يميل إلى إعلان أصغر النجاحات وأحيانًا اختلاق بعضها، وفي المقابل يقومون بإخفاء الفشل والإنكسارات مهما عظمت... أنت كمستقبلٍ خارجي تتصارع التساؤلات في رأسك حول مستقبلك ومحاولاتك وتجاربك ونجاحاتك وإخفاقاتك، تنظر حولك فتجد نفسك محاطًا بضجيج النجاحات التي يعلنها كل من حولك دون أن تسمع أي صوتٍ يُذكر للفشل وكأنه لا يشكل أي جزءٍ من حياة من يحيط بك.. فتشعر للحظة أنك الوحيد الذي يعاني الإخفاق، مما يولد عندك شعورًا باليأس والإحباط بل ومن الممكن أن تنضم للجوقة المطبلة للنجاح الكاتمة للفشل... ومما يزيد الطين بلة في السوشال ميديا، أن سلسلة النجاحات هذه تتحول إلى كلمات ومنشورات يمكن لأي شخص العودة إليها بمجرد الدخول إلى حساب الشخص المعني ليجده وقد استحال حائطًا يعلق عليه صاحبه أوسمة النجاح ليظهر وكأن بين النجاح والنجاح نجاح..  لكن الحقيقة شيءٌ آخر... فكلنا مخفقون ومن الإخفاق يولد النجاح ولو أن طبيعتنا البشرية تسمح لنا أن نكون صادقين مع أنفسنا ومع غيرنا بما فيه الكفاية لك...

كُتبت في: 27/04/2020 كتار علقولي على الپوست اللي نزلتو عن حلقة الصيام تبع الدحيح أنو يا أخي ليش عم تدقق عليه هالقد ما هاد پوپيولار ساينس Popular science وكأنه يحق للپوپيولار ساينس ما لا يحق لغيره.. للأسف لاحظت أنو في جهل كبير حول معنى الپوپيولار ساينس.. لذلك تحملوني بهاد الپوست... العلم الشعبي أو الپوپيولار ساينس Popular science هو أسلوب يستخدم لتفسير العلوم وشرحها بطريقة مبسطة تستهدف الجمهور العام، وليس الاختصاصيين كالعلماء أو الاختصاصيين أو الطلاب الآخرين. يعني بينما تركز المجلات والمؤسسات العلمية على التطورات العلمية الأخيرة وتقديمها بشكل كامل ودقيق مدعم بكل التفاصيل والأدلة والمزودة بمراجع علمية، العلوم الشعبية عادة بقدمها علماء أو صحفيين أو أشخاص مهتمين لازم يكون عندهم الحد الأدنى من فهم أساسيات العلم بشكل عام وأساسيات الموضوع اللي عم ينحكى فيه وبيتم عادة تقديمها بأشكال كتيرة متل الكتب والأفلام الوثائقية التلفزيونية ومقالات المجلات وصفحات الويب. صحيح أنو العلم الشعبي لا يعد مصدر علمي أو مرجع معتمد ولكن هاد لا يعني أنو فيه يخالف شروط المنهجية العلمية والدقة الأكاديمية أو ارتكاب أخط...

كُتبت في: 03/04/2020 عادة في أمور بعتبرها أسخف من أنو ينحكى عنها.. اعتقادات بيني وبين حالي باعتبرها مجرد سخافة أخدها على محمل الجد بيرفع من قيمتها، متل ادعاءات جماعة الأرض المسطحة The Flat Earth Society ودعوات الجماعة ضد اللقاح Ant-Vax وهيك شغلات.. لكن أحيانًا وبظروف معينة متل اللي عم نمرّ فيها حاليًا بنلاقي أنو بعض الجماعات ضررهم ما عاد محصور فيهم بل تجاوزهم ليصيب غيرهم وهون آراءهم ما عادت آراء شخصية... في كتير تعليقات وپوستات عم شوفها (متل اللي بالصورة الأولى) عم تركز على أنو اللقاحات ما ألها داعي وأنو الإنسان كان عايش قبل 200 سنة بلا لقاحات وأنو البشر عاشوا آلاف السنين وكان كل العلاجات موجودة بالأعشاب! طيب هالمرة رح إجي عحالي وحاول وضح بعض النقاط اللي المفروض تكون بسيطة وواضحة مع أني واثق أنو هيك عقليات ما بينفع معها الحكي... رح أحكيلكم قصة المناعة والأوبئة والإنسان.. ضحايا الأوبئة القديمة كانت تتراوح بين 3 بالمية من عدد سكان العالم متل ما صار مع جائحة الإنفلونزا Flu Pandemic (1918)  لحوالي 25-50 بالمية من عدد سكان العالم في الأزمنة الأقدم متل حالة الموت الأسود (الطاعون) (1346-1...

  كُتبت في: 02/04/2020 في مسرحية للكاتب الأسباني Alejandro Casona اسمها (مركب بلا صياد) "La Barca sin Pescador"  كتبها عام 1945 والحبكة تبعها فيها اقتباس لطيف من  القصص الألمانية حول شخصية الدكتور Johann Georg Faust اللي كمان اقتبس منها الكاتب الإنكليزي Christopher Marlowe مسرحية (الدكتور فوستوس Doctor Faustus)... بمسرحية (مركب بلا صياد) بكون في رجل أعمال شهير ومغرور اسمو Ricardo Jordán بيخسر كل أموالو بالبورصة وبالليلة اللي بكون فيها رح يعلن إفلاسو بيظهرلو الشيطان وبقلو أنو فيه يحول كل خساراتو لشخص تاني منافس ألو لكن بالمقابل لازم ينفذ طلب، وهاد الطلب أنو يقتل شخص.. طبعًا بعد نقاش طويل لإقناعو بقتل الشخص، قلو الشيطان أنو أنت عمليًا ما رح تقتل حدا، أنا رح اختار منطقة لا على التعيين واختار منها قرية لا على التعيين واختار منها شخص لا على التعيين واقتلو بطريقة طبيعية وأنت ما عليك غير أنك تعطي الموافقة.. سألوا ريكاردو أنو كيف يعني بطريقة طبيعية.. قلو في قرية فيها صياد طالع على تلة بدو يحتفل بأنو قدر يصمّد حق قارب أنت بس عليك تمد إيدك وأنت قاعد بغرفتك والهوا رح يرميه من أعلى ا...

كُتبت في: 27/03/2020 هالمرة رح اضطر استخدم سؤال مستهلك ولكن أول مرة حس أنو ألو معنى (عزيزي القارئ هل تعلم أنك تمارس عادة خاطئة بعد موتك.. اقرأ هذا البوست كي تعرف ما هي وكيفية تجنبها)... قديمًا كانت كتير شعوب لما تدفن الموتى تدفن معهم أغراضهم الشخصية وأحيانا كنوزهم خاصة الملوك والأغنياء؛ اختلفت الأسباب باختلاف الشعوب والعادات ولكن أغلبها من باب أنو الشخص رح يستخدمها في الحياة ما بعد الموت.. أشهر من عمل هاد الشي هني الفراعنة اللي كانوا يحاولو يحافظوا للميت على تلات أشياء هني أغراضو الشخصية اللي تدفن معو، وكنوزو اللي كانت عالأغلب تدفن معو خاصة إذا كان غني أو فرعون، وأعضاء جسمو اللي كانوا يحنطوه للحفاظ عليها للحياة ما بعد الموت.. إجت الأديان الحديثة وقالت أنو ما حدا بياخد معو شي بعد الموت "غير أعمالو" ومع ذلك حافظت على طقوس عدم المسّ بالجسد احترامًا للميت.. صحيح هاد الجسد إما رح يصير رماد عند الأديان اللي بتحرق الجثة أو أملاح معدنية وأغذية عضوية للأحياء الدقيقة والطفيليات والنباتات عند الأديان اللي بتدفن أو اللي بتحط بصندوق؛ بس بالنسبة ألهم احترام الميت هوي عدم المساس بجسدو.. أي ...