وأخيرًا بدأ عصر الدفن الفرعوني بالأفول، وبدأ عصر ماكس وكيرا بالصعود!

-


كُتبت في: 27/03/2020


هالمرة رح اضطر استخدم سؤال مستهلك ولكن أول مرة حس أنو ألو معنى (عزيزي القارئ هل تعلم أنك تمارس عادة خاطئة بعد موتك.. اقرأ هذا البوست كي تعرف ما هي وكيفية تجنبها)...


قديمًا كانت كتير شعوب لما تدفن الموتى تدفن معهم أغراضهم الشخصية وأحيانا كنوزهم خاصة الملوك والأغنياء؛ اختلفت الأسباب باختلاف الشعوب والعادات ولكن أغلبها من باب أنو الشخص رح يستخدمها في الحياة ما بعد الموت.. أشهر من عمل هاد الشي هني الفراعنة اللي كانوا يحاولو يحافظوا للميت على تلات أشياء هني أغراضو الشخصية اللي تدفن معو، وكنوزو اللي كانت عالأغلب تدفن معو خاصة إذا كان غني أو فرعون، وأعضاء جسمو اللي كانوا يحنطوه للحفاظ عليها للحياة ما بعد الموت..


إجت الأديان الحديثة وقالت أنو ما حدا بياخد معو شي بعد الموت "غير أعمالو" ومع ذلك حافظت على طقوس عدم المسّ بالجسد احترامًا للميت.. صحيح هاد الجسد إما رح يصير رماد عند الأديان اللي بتحرق الجثة أو أملاح معدنية وأغذية عضوية للأحياء الدقيقة والطفيليات والنباتات عند الأديان اللي بتدفن أو اللي بتحط بصندوق؛ بس بالنسبة ألهم احترام الميت هوي عدم المساس بجسدو.. أي حرفيًا استمرار لطقوس قديمة لا معنى لها...


إحدى أهم العادات الخاطئة اللي بيعملها الشخص بعد موتو هيي دفن كنوزو معو.. كل شخص بجسمو كنوز هيي الأعضاء اللي ممكن تنقذ حياة كتير ناس عم يعانوا ويموتوا باليوم ألف موتة لأنهم محتاجين كلية أو قلب أو كبد أو رئة أو غيرو.. أشخاص عم يوقفوا بالطوابير قدام المشافي وأجهزة الغسل وطابو نطرة الدور كرمال يقدروا يلاقوا عضو... أشخاص عم يتم استغلالها بسبب عدم توفر الأعضاء وعم تبيع أعضائها.. أشخاص عم ينخطفوا وينقتلوا كرمال التجارة بأعضائهم وأغلبهم أطفال وضحايا حروب وهجرات غير شرعية.. بينما أنا وأنت وغيرنا مخبايين هالكنوز وآخدينها معنا بعد الموت مشان نقدمها وجبة غنية للدود والبكتيريا وغيرها.. ليش؟؟؟؟! لأنو هاد من احترام الميت عدم المس بجسدو!!.. هاد الجسد اللي بالنسبة للشخص اللاديني لا معنى له بعد الموت.. والنكتة أنو حتى بالنسبة للمتدين لا معنى له بعد الموت لأنو حسب الأديان هوي مجرد وعاء حامل "للروح" وما ينتقل بعد الموت هو "الروح والأعمال"...


بعض الدول المتقدمة سمحت بأنو المتوفي يكون كاتب بوصيتو رغبتو بالتبرع بالأعضاء حتى أنها بتوزع استمارات لما بتزور المراكز الصحية بتسألك عن رغبتك بس هالشي ما عطى نتيجة كبيرة إما لأنو ناس ما بدها أو ببساطة لأنو في كتير ناس مو فارقة معها تقوم بهيك إجراءات... طبعًا في كتير دول بتعارض هالشي من باب ديني مع أنو الأشخاص اللي عارضوه دينيًا كتار منهم راحوا على مشافي أجنبية مشان ياخدو أعضاء لما بلشت أعضائهم تكنتك بس هاد مو موضوعنا...


موضوعنا أنو طلع شي اسمو قانون ماكس وكيرا Max and Keira's law، شو هاد القانون؟

كيرا بول Keira Ball طفلة من بلدة اسمها بارنستيبل Barnstaple من شمال ديفون North Devon بجنوب إنكلترا.. توفت عام 2017 بحادث سيارة وكان عمرها تسع سنين أهلها تبرعوا بأعضائها (بالقلب والكبد والكليتين) قدرت تساعد أربع أشخاص.. الكليتين أخدوهم شخصين بالغين والكبد راح لطفل.. أما القلب راح لطفل بنفس عمرها لما ماتت اسمو ماكس جونسونMax Johnson واللي صار صديق العائلة بعدين.. قدرة هالطفلة أنها تنقذ أربع أشخاص خلى أهلها يعملو حملة أنو كل البريطانيين لازم يكونوا ضمن مشروع التبرع بالأعضاء بعد الوفاة بشكل أوتوماتيكي تلقائب واللي بيرغب يطلع من المشروع  فيه يعمل opt-out؛ هون بهالمقترح بكون كل شخص فيه يطلع إذا مو حابب بس أي شخص تاني رح يكون متبرع، طبعًا مع مراعاة أمور مهمة متل أنو رأي العائلة يؤخذ بعين الاعتبار إذا الشخص ما كان مصرح بوضوح أنو بدو، وطبعًا يستثنى من القرار الأطفال أقل من 18 واللي عندهم مشاكل عقلية (في أجراءات محددة ألهم) واللي مو عايش بريطانيا باختيارو.. هي الحملة تحولت لقانون اسمو قانون ماكس وكيرا Max and Keira's law، والحلو أنو رح يطبق ببريطانيا بدءًا من 20 أيار 2020 يعني السنة بعد موافقة البرلمان على تاريخ البدء.


أهمية هالقانون بتبين من الإحصائيات الآتية:

ببريطانيا لحالها اللي عدد سكانها 66 مليون وشوي.. 6153 شخص على قائمة الانتظار للحصول على عضو حاليًا.. من نيسان الماضي فقط 3474 شخص حصلوا على عضو.. السنة الماضية لحالها 408 أشخاص ماتوا وهني ناطرين دورهم على قائمة الانتظار للحصول على عضو (206 بانتظار كلية، 63 بانتظار رئة، 45 بانتظار كبد، 20 بانتظار قلب، والباقي مشكل)..

أميريكا.. 121,678 شخص على قائمة الانتظار للحصول على عضو تتوقف الحياة عليه، و100,791  شخص بانتظار كلية..3000 شخص يضاف للقائمة كل شهر.. 13 شخص بموتوا كل يوم وهني ناطرين... عام 2014 في  4761 شخص ماتوا وهني ناطرين..

وهي بريطانيا وأميريكا فشو الحال بدولنا! أكيد الوضع أسوأ ومبكي ومخزي أكتر...


كل واحد بكون حريص وبخيل بحياتو وبكون همو جمع العملة لما بموت بقولوا المثل المشهور (الكفن ما ألو جيوب) وبقولوا بنبرة المنتصر (فرجينا كيف بدك تاخد مصاري معك عالآخرة).. طيب أنتو فرجونا كيف بدكم تستخدموا هي الأعضاء بعد ما تندفن واللي هيي أغلى من الكنوز...


بالنهاية الخيار للإنسان.. إما بموت كإنسان وبقدم أعضاؤو لحدا محتاجها.. أو بموت عالطريقة الفرعونية وبقدم أعضاؤو وجبة دافئة لدود الأرض...

...........

حول قانون ماكس وكيرا:

حول تطبيقو:

حول الإحصائيات:


Comments

Post a Comment

أكثر المقالات قراءة:

قراءة في "معجزة خلق الجنين" ما بين السردية الإسلامية وكتاب غالين

-
Image
  كثيرًا ما نجد نقاش "ديني- لاديني" حول ما يسمى بمعجزة "خلق الجنين" في القرآن، والرد عليها من قبل اللادينيين  بأنه حتى نقول عن شيء أنه "معجز" - بفرض أن لكلمة معجز معنى أساسًا- فإنه على الأقل يجب أن يحقق بعض الشروط، منها: - أن يكون مذكورًا بشكل واضح لا يحتمل التأويل أو التشكيك أو المعارضة (فما طرأ فيه الاحتمال بطل فيه الاستدلال". - أن لا يكون من الممكن الوصول إليه بأدوات وعلم ذلك الزمان. - أن يكون غير مذكور مسبقًا بسرديات أقدم. ما سأركز عليه في هذا المقال هو آخر جزئيتين، كون جزئية التأويل يتم التلاعب فيها ولا أرغب في إضاعة وقت أي منكم، لذا سأفترض التأويلات الحديثة صحيحة، وأثبت أن البشر وصلوا لها بطريقة طبيعية قبل ذكرها في القرآن بمئات السنين بل وبشكل أدق وأوضح. الآيات التي سيتم نقاشها هي: {وَلَقَدْ خَلَقْنَا الْإِنسَانَ مِن سُلَالَةٍ مِّن طِينٍ (12) ثُمَّ جَعَلْنَاهُ نُطْفَةً فِي قَرَارٍ مَّكِينٍ (13) ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ
اقرأ المزيد »

أصل الحياة (التولد الذاتي)، ودراسة جديدة لردم جزء من هذه الفجوة

-
Image
كُتبت في: 29/09/2021 منذ خمسة أيام نشرت مجلة Nature مقالًا يساهم في ردم فجوة "نشوء الحياة على الأرض"؛ لفهم هذه الفجوة وما أضافته هذه الدراسة الجديدة اقرأ هذا المقال.. في عالم المعرفة والعلوم توجد العديد من الفجوات العلمية والمعرفية التي تعمل البشرية على ردمها، وتختلف طرق سد هذه الفجوات باختلاف العقليات، فمنها العقليات المثابرة الصادقة مع نفسها في البحث عن الحقيقة مهما كان البحث صعبًا والحقيقة غير مرضية للعواطف أو التوقعات؛ ومنهم العقليات التي تسعى لسد هذه الفجوات بأي جواب بغض النظر عن صحته إما لتقليل عبء الجهل الذي تحس به وعدم تقبلها لحقيقة أننا لا نعرف ولن نعرف كل شيء، أو لكي تروج لإيديولوجيا ومعتقدات تعتقد بها وتعرف أن كشف حقيقة الجواب سيضر بمعتقداتها.. وباستغلال هذه الفجوات العلمية نشأ عندنا العديد من مروجي العلوم الزائفة  Pseudoscientists   ومروجي المعتقدات الدينية والفلسفية الخاطئة باستخدام ما يعرف بمغالطات التوسل بالمجهول Appeal to Ignorance ونقل عبء الإثبات Shifting the Burden of Proof وإله الفجوات God of the Gaps، والذين لا يقدمون أي دليل على أي طرح يطرحون بل يكتفون ب
اقرأ المزيد »

الفرق بين الحجة والادعاء والدليل، وما هي أنواع الدليل

-
Image
  كُتبت في 06/01/2022: كثيرًا ما يتم الخلط بين العديد من المصطلحات المتعلقة بالبناء المعرفي في المحاججات والنقاشات غير الأكاديمية وأحيانًا في الأكاديمية أيضًا، والذي يؤدي بدوره إلى إيصال أفكار مغلوطة للمتلقي؛ وبالتالي فإن تحرير هذه المصطلحات عبر تعريفها والمقارنة بينها يُعد أساسًا لا بد منه لإزالة اللغط.. كنت قد تحدثت سابقًا عن نظرية المعرفة في هذا المقال   ومتى نستطيع أن نقول عن الادعاء أنه معرفة، وأنه لا بد أن نحقق ثلاثة شروط أساسية حتى نقول عن ادعاء Claim ما أنه معرفة Knowledge وهذه الشروط الثلاثة هي: الاعتقاد Belief، والتبرير (التسويغ) Justification، والتحقق (الصحة) Truth. كما بينت في مقالٍ ثانٍ  المسميات التي نطلقها على الادعاء في حال عدم تحقق شرط أو أكثر من هذه الشروط حيث أنه لم يعد يمكننا أن نسميه معرفة، وهنالك أيضًا بعض الغرف المسجلة (مدرجة آخر المقال) تشرح الموضوع بتفاصيل أكثر. كما وضحت في عدة مواضع سابقة أن إدراك الإنسان لما يحيط به وتحليله يعتمد على عدة أمور والتي نعتبرها مصادر للمعرفة (بمعنى أنها تعطينا الشرط الأول للمعرفة وهو الاعتقاد Belief والذي هو شرط لازمٌ لكن غير كافٍ
اقرأ المزيد »

هل يمكن نفي ما لا دليل عليه؟ إثبات الادعاء السلبي المبهم Proving a Negative

-
Image
  كُتبت في 20/01/2022 كثيرًا ما نسمع في النقاشات ادعاءات غَيبية لا دليل عليها سواء لوجود شيء ما أو حدوث أشياء ما، وعندما يطلب المحاور الآخر من الشخص صاحب الادعاء إثبات ادعاءه يلجأ صاحب الادعاء إلى الطلب من المحاور الآخر إثبات عدم صحة ادعائه. كأن يدعي أحدهم وجود الجن أو الأشباح وعند طلب الدليل على ادعائه يجيب بأنك لا تستطيع إثبات عدم وجودهم.. في الأحوال العادية نكتفي بإجابة الشخص بأنه يرتكب مغالطة تحويل عبء الإثبات Shifting the burden of proof والتي يقوم فيها صاحب الادعاء بتحويل عبء تقديم الدليل على الآخر على الرغم من أن البينة على من ادعى؛ وكذلك ارتكاب مغالطة التوسل بالجهل Appeal to ignorance والتي فيها يعتمد شخص ما على جهلنا بكيفية حدوث شيء ما فيسمح لنفسه بتقديم طرح لا دليل عليه بحجة "أنه على الأقل يملك جواب بينما الآخر لا يملك جواب" وكأن الحل هو امتلاك جواب دون دليل! ولكن وبعيدًا عن المغالطات المنطقية دعونا نتسآءل: لماذا لا يمكننا نفي ما لا دليل عليه أو ما يسمى بإثبات الادعاء السلبي؟ في البداية دعونا نميز الفرق بين الادعاء الإيجابي Positive Claim والادعاء السلبي Negative
اقرأ المزيد »

ما بين رهان باسكال ورهان أوريليوس يتم التفريق بين التاجر والإنسان.. بين الإيمان والأخلاق

-
Image
كُتبت في: 28/09/2017 أكتر شي ممكن تسمعه لما بتكون عم تناقش أي شخص حول ماهية الإيمان ومنطلقو ومنطقو هوي رهان باسكال.. هاد الرهان اللي بوحد معظم المؤمنين من كافة الأطياف (وهاد شي جد نادر)..  رهان باسكال أو Pascal’s Wager هو شي بسيط كتير: "الإيمان هو الرهان الحكيم. فالإيمان لا يمكن إثبات صحته أو ضمانه، بالتالي ما الضرر اللي ممكن يصيبك إذا قامرت عصحته وآمنت وتبين بعدين أنو مو صحيح؟ ما في أي ضرر لأنو إذا طلع الإيمان صحيح وفي منو مكسب فأنت بهالحالة كسبت كل شيء، أما إذا كان الإيمان مو صحيح وما في شي تآمن فيه فأنت فعلياً ما خسرت شي، يالتالي ومن دون تردد، أنت لازم تآمن لأنو هالشي أضمن". بعبارات أخرى: 1- إن آمنت بالله وكان الله موجوداً، فسيكون جزاؤك الخلود في الجنة، وهذا ربح لا محدود. 2- إن لم تؤمن بالله وكان الله موجوداً، فسيكون جزاؤك الخلود في جهنم، وهذه خسارة لا محدودة. 3- إن آمنت بالله وكان الله غير موجود، فلن تُجزى على ذلك، هذه خسارة محدودة. 4- إن لم تؤمن بالله وكان الله غير موجود، فلن تُعاقب لكنك ستكون قد عشت حياتك، وهذا ربح محدود. يعني أنت بتراهن على الربح اللامحدود وتجنب الخسار
اقرأ المزيد »