Written By Hasan Iessa

كُتبت في: 27/03/2020 هالمرة رح اضطر استخدم سؤال مستهلك ولكن أول مرة حس أنو ألو معنى (عزيزي القارئ هل تعلم أنك تمارس عادة خاطئة بعد موتك.. اقرأ هذا البوست كي تعرف ما هي وكيفية تجنبها)... قديمًا كانت كتير شعوب لما تدفن الموتى تدفن معهم أغراضهم الشخصية وأحيانا كنوزهم خاصة الملوك والأغنياء؛ اختلفت الأسباب باختلاف الشعوب والعادات ولكن أغلبها من باب أنو الشخص رح يستخدمها في الحياة ما بعد الموت.. أشهر من عمل هاد الشي هني الفراعنة اللي كانوا يحاولو يحافظوا للميت على تلات أشياء هني أغراضو الشخصية اللي تدفن معو، وكنوزو اللي كانت عالأغلب تدفن معو خاصة إذا كان غني أو فرعون، وأعضاء جسمو اللي كانوا يحنطوه للحفاظ عليها للحياة ما بعد الموت.. إجت الأديان الحديثة وقالت أنو ما حدا بياخد معو شي بعد الموت "غير أعمالو" ومع ذلك حافظت على طقوس عدم المسّ بالجسد احترامًا للميت.. صحيح هاد الجسد إما رح يصير رماد عند الأديان اللي بتحرق الجثة أو أملاح معدنية وأغذية عضوية للأحياء الدقيقة والطفيليات والنباتات عند الأديان اللي بتدفن أو اللي بتحط بصندوق؛ بس بالنسبة ألهم احترام الميت هوي عدم المساس بجسدو.. أي ...

  كُتبت في: 18/03/2020 البقاء للأصلح “Survival of the fittest” من أبسط وأهم العبارات اللي بتعرف الاصطفاء الطبيعي.  ببساطة الفرد أو المجموعة الأكثر حظًا في البقاء هو الفرد أو المجموعة الأكثر تأقلمًا مع الوسط المحيط من ناحية الحصول على الموارد وتجنب الأخطار.  الأرنب قد يكفيه أنو يكون لونو قريب من لون الوسط المحيط فيه ويكون سريع وعندو قدرة عالمناورة ليكون حظو بالنجاة أكبر، والفئران قد يكفيها أنو يكون معدل الولادات عندها كبير وقدرتها عالاختباء عالية لحتى تضمن استمرار نوعها. كل جنس طور آلية للاستمرار والتأقلم، منهم اللي كانت ناجحة فاستمر ومنهم اللي كانت فاشلة فانقرض.  حتى ضمن الفصيلة نفسها والجنس نفسو في أنواع كان التأقلم عندها أكتر من أنواع تانية فاستمرت بينما باقي الأنواع انقرضت.  Human took natural selection to a whole new level! الإنسان اعتمد بالتأقلم على عقلو وتفكيرو وهاد كان وسيلة مبدعة بالتأقلم عطيتو ميزة ما حدا عندو ياها وهيي أنو يغير الوسط المحيط فيه مشان يصير الوسط مناسب ألو بدل ما هوي يتغير لحتى يصير مناسب للوسط. ولكن كل فعل ألو رد فعل وفِي كتير شغلات الإن...

Heavy smog engulfing the northern Chinese city of Xi’an in 2013.Credit...Visual China Group, via Getty Images كُتبت في: 02/03/2020 يرتبط مصطلح "الأم" بكتير من الصفات كالحنان والعطف والتضحية وطولة البال وغيرها من الأمور وكذلك يرتبط عند كتار بأشياء كالتربية والتدريس والأكل وهيك شغلات.. كما يرتبط، ولو على سبيل المزاح، بالعقوبات "التأديبية".. فكتار بيستخدمو مصطلح "شحاطة الوالدة" للتعبير عن النتيجة التي ستحصل عليها في حال مخالفتك للمنظومة العامة المطبقة في المنزل.. بعض الأطفال بخالفوا هي المنظومة لكتير أسباب منها ما هو متعلق بسايكولوجية الطفل وحب التجربة والشغب وكسر القوانين ومنها ما هو متعلق بخطأ في المنظومة وأسباب أخرى.. ولكن وبكل الأحوال عند مخالفة هالطفل للمنظومة تطبق عليه إجراءات تأديبية متدرجة الشدة من تذنيب وحرمان من أطعمة بحبها أو من مشاهدة برامجو التلفزيونية المفضلة أو من الموبايل والألعاب أو من الخروج من البيت أو الغرفة أو قد تصل عند البعض للعقوبات الجسدية كالضرب والتعنيف وغيرها.. هذه العقوبات بعضها مقبول وبعضها موضع نقاش وبعضها مرفوض بشكل كامل بس مو ...

  كُتبت في: 26/02/2020 يعتبر تفشي الكورونا والتغطية الإعلامية لانتشاره من أسرع الظواهر حاليًا وهاد الشي مو لأنو هالوباء one of a kind وما صار أو رح يصير متلو بل ببساطة لأنو نحنا حاليًا بعصر السوشال ميديا العامة اللي أي شخص مين ما كان يكون قادر ينشر اللي بيرغب فيه مهما كان، لا يهم الشهادة لا يهم التخصص لا يهم صحة الكلام أو مرجعيتو لا يهم شي، يكفي أنك تكون محقق شرطين: عندك أكسيس عالسوشال ميديا، وبتعرف تستخدم مهارتي العصر (نسخ- لصق) ((فاصل إعلامي: روح يا Larry Tesler* يرحم ترابك ويبشبش الطوبة اللي تحت راسك شو عملت لعالم قيمة)).. الفكرة أنو في وباء تاني تفشى بشكل أسرع من تفشي الكورونا وهو Outbreak مرافق ألو لكن من نوع آخر أخطر وأوسع انتشارًا، وباء تاني يحمل صفات أخطر من الكورونا: - الكورونا مرض ڤيروسي بينما هاد مرض فكري وثقافي واجتماعي.. - الكورونا ينتقل بالطرق التنفسية بينما هاد ينتقل بالكلام والأفكار.. - الكورونا يتفشى في المنطقة التي يتواجد فيها حالة مصابة بينما فالمنطقة بالأساس مصابة ومجرد وجودك فيها بيجعلك عرضة لهذا المرض.. - الكورونا فترة الحضانة تبعه حوالي 14 يوم بينما هاد المرض...

  كُتبت في: 27/01/2020 بالمقال السابق حول الفرق بين العلمي والأكاديمي ذكرت أنو كلمة (علمي Scientific) لا تشمل الأمور المتعلقة بالإنسانيات Humanities (الدراسات الإنسانية) بشكل عام، وأن المختص في الإنسانيات بأنواعها (الآداب واللغويات والفلسفة والتاريخ والفنون وجغرافيا الإنسان والقانون والسياسة وغيرها) لا يقال عنه (عالم Scientist) بل يقال عنه Scholar والتي تُرجمت خطأ كعالم... طيب شو سبب هاللغط هاد... للأسف عملية الترجمة عن غير معرفة بجذور الكلمات الحقيقية تسببت بأخطاء لم تقتصر على الضرر اللغوي بل تعدته للضرر المعنوي وتخريب المفاهيم... مثلًا خطرلي دوّر على معنى الإنسانيات Humanities بالويكيبيديا (واللي لا تعتبر مصدر يعتد به أبدًا وغير مقبول بأي نقاش أكاديمي ولكن بتعطيك فكرة عن مفهوم البعض لهيك مصطلحات، أي لم يتم استخدامها هنا كمصدر بل لإظهار أخطاء المترجمين).. بالوكيبيديا العربية ( الرابط ،  ليس مرجع أو مصدر مقبول أكاديميًا ولكن لغرض الحديث عن الخلط الحاصل بالمعنى ) لقيت الآتي: "الإنسانيات هي التخصصات العلمية التي تَدرُس حالات الإنسان باستخدام وسائل تحليلية، نقدية أو فكرية بالدرج...

  كُتبت في: 17/01/2020 حديثًا وبعد انتشار العلم بشكل لا بأس به بدأ الناس يخلطوا بين كلمة "عالم" مختص بالعلم و"عالم دين" وحتى بالترجمة عالم الدين صاروا يترجموه Scholar وهاد شيء يدعو للضحك للأسف ويدعو كمان للتأكيد على أهمية معرفة المعنى الحقيقي للمصطلحات وعدم تسليم راسنا للترجمات الفقيرة والضعيفة اللي تبنتها اللغة تبعتنا.. اسأل حالك الأسئلة هي قبل ما تقرأ النص أدناه، وإذا عرفت الجواب لا تضيع وقتك بالقراءة: - شو الفرق بين الصفة "علمي Scientific" والصفة "أكاديمي Academic" - شو الفرق بين عالم Scientist وأكاديمي Academician  - شو معنى Scholar وScholarly وهل في فرق بينهم وبين علمي وأكاديمي - هل رجل الدين عالم وهل يمكن أن نقول عنه Scholar صفة علمي Scientific: تطبق لغويًا على عدة أمور.. إما على أي شيء يعتمد أو يتبع الطريقة والمنهجية العلمية أو يقوم على تطبيق المبادئ العلمية؛ أو لوصف أي شيء له علاقة بالعلم والعلوم التطبيقية؛ أو لوصف أي نشاط علمي أو متعلق بالعلم. لكن الاستخدام الأساسي للمصطلح "علمي" هو لتحديد ووصف النشاط أو الحدث في مجالات العلوم ...

Photo credit: @melanippe_art https://www.picuki.com/media/2214049400694450265 كُتبت في: 06/01/2020 إحدى أدلة التطور هوي اختلاف المكونات النباتية والحيوانية (الفلورا والفونا) في المناطق الجغرافية المعزولة مقارنة بتشابهها في المناطق الجغرافية المفتوحة على بعضها والسبب هوي اختلاف المسارات التطورية المتقدمة للأحياء باختلاف الظروف البيئية المحيطة بالرغم من تشابه بداياتها (الأسلاف الأولى) لأنو كانت اليابسة رقعة واحدة قبل ما يصير انقسامات قاريّة.. وأستراليا تميزت عن غيرها أنها ضلت معزولة عن باقي بقاع الأرض لأكتر من 100 مليون سنة لهيك 85 بالمية من النباتات اللي فيها و84 بالمية من الثديات و45 من الطيور هي كائنات حية أسترالية الأصل ونسبة كبيرة منها لا تستوطن (طبيعيًا) أي مكان آخر غير أستراليا؛ لذلك بأستراليا رح تلاقي كتير حيوانات وطيور وحشرات ونباتات غير موجودة بأي مكان تاني.. أغلب الحيوانات بتكون عادةً متأقلمة ببيئتها وعايشة فيها ضمن علاقة (تعايش) بتقدم للبيئة وبتاخد منها بما يضمن استمرارها واستمرار البيئة اللي هيي فيها، والبعض بكون عايش علاقة (تطفل) على كائنات تانية بياخد منها بدون ما يعطيها ل...

  كُتبت في 06/12/2019 لكل عصر أساطيرو وأبطالو اللي الناس بتحب تسمع قصصهم وتاخد من هم عِبر وحتى تحاول تخليهم قدوة ألهم وتطبق أسلوبهم بالحياة؛ في العصور الماضية هدول القصص بأغلبها إما كانت روايات خيالية أو روايات مبالغ فيها أو قصص رواها الجنود والمقاتلين لتمجيد بطولاتهم المزعومة وكتار بالرغم من أنو كانوا يعرفوا أنها تلفيق ومجرد حكي بس كانوا يحبوا يسمعوها ومع الوقت يخلدوها؛ لدرجة وصلنا سابقًا لزمن كان في الزير أو عنترة أو سيف بن ذي يزن أو أبو زيد الهلالي هني قدوة لكتير شباب يسمعوا قصصهم بالقهاوي ويحبوا يطبقوها بالواقع، متناسين أنو ما في جن رح يدعمك متل سيف بن ذي يزن ولا عندك قوة ألف رجل متل عنترة أو الزير.. عصرنا الحالي رغم التطور الشديد والجذري والمخيف مقارنة بهداك الزمن إلا أن هاد الموضوع لم يتغير مطلقًا للأسف ولا زالت سيطرة السوپرهيروز وثقافة الأبطال الخارقين موجودة بقوة مع اختلاف الحكواتي واللي صار 3D & 4D فمثلًا صار أيرون مان أو الجوكر أو باتمان أشخاص بعلموا شريحة كبيرة من الناس وبيتأثروا بأسلوب حياتهم وطريقة أخذ قراراتهم متناسين أنو ما في مخرج رح يزبطلك النهاية على كيفو وما ...

  كٌتبت في: 22/09/2019 حياة أي كائن حي هي باختصار طريقة مبتكرة من الجينات (المورثات) لاستمرارها، فالكائن الحي ببساطة هو عبارة عن شرنقة أو غلاف حامل لهذه المورثات يقوم بنشرها وتوزيعها على أغلفة جديدة لعدم قدرة هذا الغلاف على الاستمرار بحمايتها إلى الأبد.   أحيانا تتغير الظروف المحيطة في هذه الأغلفة فلا تبقى بنفس الجهوزية والقدرة على إنجاز مهمتها في تأمين استمرار المورثات فتقوم هذه المورثات بتغيير هذه الأغلفة تدريجيًا لتتناسب مع الظروف المحيطة عبر طفرات معينة فيها فيما يسمى التأقلم والتطور. بعض هذه الأغلفة تتمرد على قوانين الطبيعة في سلوك الطريق الأسهل وتتجه نحو التعقيد في سلوكياتها مما يجبر المورثات على إنتاج أنظمة بيولوجية معقدة تتناسب مع تعقيد هذه السلوكيات لكن في المقابل تعاقب هذه الأغلفة بتعقيد عملياتها البيولوجية فالمورثات مهمتها إيجاد توازن بين سلوكيات أغلفتها وسلوكيات الوسط المحيط فيما يحقق في النهاية هدفها الأساسي في الاستمرار... بعض الكائنات الحية كالبكتيريا وشبه الحية كالفيروسات هي أغلفة لمورثات لم تعاند هذه المورثات كثيرا فهي تقوم بنقل هذه المورثات وتؤمن ازدياده...

كٌتبت في: 09/09/2019 الخير والشر يعرّفان في المجتمع الإنساني كقيمتين مطلقتين absolute values للشيء الجيد والسيء على التوالي متموضعين كمقياس لتصنيف الأشياء على محور بإشارتين متعاكستين يتدرج أي شيء على هذا المحور من القيم الإيجابية التابعة للخير إلى القيم السلبية التابعة للشر.. حسب الأديان الحديثة يتم دومًا وصف الخير والشر بأنهما قطبين متعاكسين لكن متلازمين لا يتداخلان معًا أبدًا بحيث يكونان متنافيين وفي نفس الوقت متكاملين شاملين في حالة تسمى لغويًا "الديكوتومية" Dichotomy بحيث يعتبر الشر الحالة المعاكسة المناقضة والمعادية للخير ضمن منظومة ثنائية هي منظومة الخير والشر أو بوصف آخر فالشر يعتبر dualistic antagonistic opposite بالنسبة للخير، وطبعًا الهدف الأساسي لهذه الأديان هو إظهار الخير على الشر.. وحتى في الأديان التي يتداخل الخير مع الشر فهو يتداخل لكن بحدود واضحة ليس بسبب قابلية تداخل المفهومين بل بسبب طبيعة الوعاء الحاوي لهما والذي من غير الممكن أن يكون خيرًا مطلقًا أو شرًا مطلقًا وإلا تحول لطبيعة مختلفة.. في الأديان القديمة متعددة الآلهة Polytheism كان يوجد إله للشر مرافق لإ...