Written By Hasan Iessa

كُتبت في: 22/05/2018 الوصف أهم من الموصوف أحياناً خاصة عند نقل الخبر يعني إذا بدك تنصح حدا بسيارة معينة ما بيكفي تقلو بنصحك بسيارة لأنو محركها ممتاز وبتشتغل كتير بالتنكة لأنو الجملة ناقصة، لازم تقلو بنصحك بسيارة مارسيدس أو أودي أو ڤولڤو لأنو كذا وكذا وكذا.. لأنو مميزات سيارة ما ما بتنطبق عكل السيارات بالتالي أي شي بتحكيه بعد كلمة سيارة ما ألو معنى إذا ما حددت مواصفات الموصوف.. كذلك غذائياً.. بالبحث العلمي مو كلو عند الباحثين صابون.. يعني في قسم بأي دراسة اسمو materials and methods لأو methodology أو شي من هالمشتقات لازم الباحث يوصف بدقة متناهية شروط التجربة والطرق المتبعة ومواصفات المواد المستخدمة والأجهزة المستعملة ومواصفات العينة المدروسة والشروط المحيطة.. يعني مو أي دراسة فيها (Fasting, Fast, Fasts) واللي بيترجمو صيام بتنطبق نتائجها على الصيام الديني (الرمضاني).. فعلى سبيل المثال لا الحصر عندك: -صيام العصائر Juice Fasts: ما بتم فيه أكل أي شي صلب والاكتفاء بالماء وعصائر الخضار والفواكه وبيستمر من يوم لأسبوعين بطريقة مدروسة. - صيام الماء Water Fasts: الاكتفاء بشرب الماء بس لفترة معينة...

كُتبت في: 28/09/2017 أكتر شي ممكن تسمعه لما بتكون عم تناقش أي شخص حول ماهية الإيمان ومنطلقو ومنطقو هوي رهان باسكال.. هاد الرهان اللي بوحد معظم المؤمنين من كافة الأطياف (وهاد شي جد نادر)..  رهان باسكال أو Pascal’s Wager هو شي بسيط كتير: "الإيمان هو الرهان الحكيم. فالإيمان لا يمكن إثبات صحته أو ضمانه، بالتالي ما الضرر اللي ممكن يصيبك إذا قامرت عصحته وآمنت وتبين بعدين أنو مو صحيح؟ ما في أي ضرر لأنو إذا طلع الإيمان صحيح وفي منو مكسب فأنت بهالحالة كسبت كل شيء، أما إذا كان الإيمان مو صحيح وما في شي تآمن فيه فأنت فعلياً ما خسرت شي، يالتالي ومن دون تردد، أنت لازم تآمن لأنو هالشي أضمن". بعبارات أخرى: 1- إن آمنت بالله وكان الله موجوداً، فسيكون جزاؤك الخلود في الجنة، وهذا ربح لا محدود. 2- إن لم تؤمن بالله وكان الله موجوداً، فسيكون جزاؤك الخلود في جهنم، وهذه خسارة لا محدودة. 3- إن آمنت بالله وكان الله غير موجود، فلن تُجزى على ذلك، هذه خسارة محدودة. 4- إن لم تؤمن بالله وكان الله غير موجود، فلن تُعاقب لكنك ستكون قد عشت حياتك، وهذا ربح محدود. يعني أنت بتراهن على الربح اللامحدود وتجنب الخسار...

كُتبت في: 01/08/2017 اسأل مجرب ولا تسأل حكيم! مَثَل من ضمن باقة كبيرة من الأمثال الخاطئة اللي بتتواجد بكثرة بتراثنا وبحياتنا اليومية... المجرب هوي شخص عانى الحالة بالتالي ممكن يكون قادر يوصفها بشكل أفضل وأقرب للواقع ولكن معلوماتو ما بتتجاوز تجربتو وحالتو المحدودة.. بينما الخبير هوي شخص تعلم هي الحالة والحالات المشابهة ألها والظروف المختلفة والمعلومات المحيطة فيها واللي تم جمعها من مجربين وبالتالي نظرتو للحالة أكثر صحة وموضوعية وإحاطة.. مثال بسيط هلأ كنت عم اقرأو وحابب شارككم فيه.. بالحرب العالمية التانية كانت ترجع كتير طائرات أوروبية Bomber aircraft مصابة بطلقات لهيك قرر الجيش أنو يدرع الطائرات ولكن وضع درع على كامل الطائرة كان غير ممكن لأنو بخليها تقيلة لدرجة ما فيها تطير فقرروا يستعينوا بعالم رياضيات اسمو Abraham Wald لدراسة الأنماط تبع الطائرات المصابة الراجعة من المعارك.. لاحظ قادة الجيش أنو كل الطائرات الراجعة فيها ثقوب رصاص، وتواجد هي الثقوب كان موزع بكل جسم الطائرات إلا بمنطقتين قمرة القيادة وذيل الطائرة (توزع الإصابات متل مو موضح بالصورة). وبعد دراسة هالأنماط رفع قادة الجيش تقر...

كُتبت في: 18/07/2017 بعالم البزنس والماركيتينغ يعتبر المستهلك هوي الهدف الرئيسي لكل شركة وكل عملية تسويقية لازم تمر بالخطوات التالية: - مرحلة Segmentation أو التقسيم وهوي تقسيم سوق العمل ومعرفة ميزات كل فئة وقسم وتحديد كيفية التعامل مع كل فئة واهتماماتها - مرحلة Targeting أو الاستهداف وهيي أنو بعد ما تحدد الفئة اللي ممكن تهتم بالمنتج أو الخدمة اللي عم تقدمها بتحاول جذب انتباه هي الفئة لأهمية منتجك - بيجي بعدها مرحلة Persuasion أو إقناع المستهلك بأهمية هالمنتج وحاجتو ألو وأنو كيف هاد المنتج ممكن يقدملو شي مفيد  - بعدها خطوة المقارنة Products Comparison وهيي كيفية إقناع هاد المستهلك انو يشتري المنتج منك مو من غيرك اللي عندو نفس نوع منتجك  - وبعد إقناع المستهلك بهالشي بتجي خطوة Delivery او إيصال المنتج للمستهلك  - وبعد إيصالو بتجي خطوة Customer Reviews متابعة رأي المستهلك بمنتجك وبآلية إيصال هاد المنتج.    الفكرة أنو العلم كمان منتج وكمان بدو تسويق وكمان بتنطبق عليه المراحل السابقة: - مرحلة Segmentation أو التقسيم: لازم يعرف الشخص صاحب المعلومة العلمية سواء كان باح...

كُتبت في: 10/10/2016 نظرية 80/20 أو قانون 80/20 ببساطة هيي نظرية حياتية ممكن تنطبق على أي شحص فينا وبتقول أنو 80 بالمية من المدخول بينتج عن 20 بالمية من النشاط أو الجهد المبذول.. كانت نظرية فلسفية طلع فيها مفكر اسمو Joseph M. Juran وتحولت لنظرية اقتصادية من ورا الاقتصادي الإيطالي Vilfredo Pareto اللي لاحظ أنو 80% من مدخول إيطاليا جاي من 20% من الإيطاليين بس.. والأسماء الشائعة ألها (80/20 Rule/ 80/20 Theory/ Pareto principle).. طيب كيف ممكن يشوفها الواحد كأسلوب حياة... بسيطة قارن مدخولك المعرفي أو مدخولك الاقتصادي أو الإنتاجي أو العلامات أو التعليمي ممكن تلاقي أنو بطريقة ما هالنظرية بتنطبق عليك.. يعني 80% من أي مشروع بتنتجو بآخر 20% من الوقت الممنوح ألك (I Work Better Under Pressure).. 80% من العلامات اللي بتجيبها بالمادة من 20% من دراستك ألها واللي هيي قبل الفحص.... 80% من مدخولك المادي جاي من 20% من الأنشطة اللي بتقوم فيها واللي هيي عملك... 80% من عمل معظم الفرق بيجي من 20% من الأعضاء.. طيب هل هالشي صحي؟ في خلاف على مدى صحة هالشي بس اللي ممكن الجزم فيه أنو هالشي طبيعي وبيضل مقبول ما د...

كُتبت في:  16/04/2016 الشرقيين بشكل عام والسوريين بشكل خاص غرضنا عزيز علينا يعني يا أخي بكون عندك غرض قديم وما عم تستخدمو ولا رح تستخدمو وحتى لو بدك ما فيك تستخدمو بس بتفكر شي ألف مرة قبل ما تكبو يعني قطرميز المخلل أو المكدوس الفاضي اللي جايبو معك واللي تاركو بالدرج شهرين بتحس أنو جزء من قلبك عم ينشلع وأنت عم ترميه (وبتكون مجبر مشان تفضي محل لغيرو) بتحس أنو صار في عشرة عمر بينك وبينو.. بتحس أنك حطيت ذكريات فيه بكل مرة فتحتو وقرطت مخللالية أو أكلت مكدوسة (انجرفت بالموضوع)... المهم كل شي عزيز علينا حتى كياس البلاستيك التي لا يزال كل منا عنده كيس كبير يحتوي عدد عشرة بالأس n منها ومدري ليش... متل ما نفاياتنا الصناعية عزيزة نفاياتنا العقلية والفكرية أعز.... يعني حتى لما بتقتنع بفكرة وبالدليل القاطع وبالتجربة الصحيحة القابلة للإعادة وبدقة إحصائية مقبولة بيضل صعب عليك تتبناها إذا كان تبنيها بيعني أنك تكب شي آخد محلها.... يعني إذا بتحطلنا علوم الدنيا بنقبلها ما دامت لا تخالف (معلوماً من التقاليد بالضرورة) بس لما بتخالف أحد تقاليدنا الاجتماعية أو السياسية أو الدينية لك يا أخي وحتى الاقتصادي...