التخبيص البشري التراكمي التزايدي الأسّي غير المتوقع

-

 كُتبت في 02/08/2020

أي شيء بهي الحياة بمر بتغيرات وبينتقل من حالة لحالة، وقدرة الإنسان على إدراك حدوث هي التغيرات هيي الخطوة الأولى لتجنب عواقبها ولكن في خطوات تانية مهمة ولا تقل أهمية عن الخطوة الأولى واللي هيي معرفة العوامل المؤثرة على هي التغيرات ومعرفة آلية تأثيرها وكيفية تغيرها ومعرفة هل في عوامل مؤثرة جديدة رح تظهر أو عوامل مؤثرة حالية رح تختفي، مشان نقدر نعرف شكل التغير اللي رح يصير هل هوي تغير خطي أو أسي متوقع أو أسي غير متوقع، ولما بنعرف هي الأمور بيصير احتمال توقع شكل التغيرات أسهل وبالتالي تجنب المصيبة الناتجة عنها أسهل..

رح أعطي مثال مبسط كتير ولو أنو مجحف بحق التعاريف التي رح تورد فيه نوعًا ما.. لنعتبر أنو أنت واقف أعلى جبل ومعك حجر ورميتو، إذا الحجر نزل بدون ما يحتك مع شي ولا يخسر شي ولا يتكسر ولا يكسر فبكون هون التغير في حالة الحجر الشكلية صفر عند انتقالو من نقطة 1 (أعلى الجبل) للنقطة 2 أسفل الجبل وهون بنسمي الحالة ثبات (بشكل الحجر وليس بمكانه أو زمانه)..

طيب لنعتبر أنو الجبل عليه تلج والحجر عم يجمع التلج حولو وهوي عم يتدحرج فالحجر رح يصير كرة ثلج ويكبر حجمها مع الوقت كل ما نزلت أكتر؛ طيب هون عنا عدة حالات: 
الحالة الأولى: أنو كمية الثلج المتجمع على الحجر مرتبط بعوامل محددة متل سماكة الثلج على الجبل (نفترضها سماكة ثابتة) وثقل الحجر (ثابت) ودرجة الاحتكاك بين سطح كرة الثلج المتشكلة والثلج اللي عالجبل (نفرضو ثابت) بالتالي كمية الثلج اللي عم تجمعها الحجر عم تزيد بنسبة ثابتة ولنقل كل متر دحرجة بتزداد 2سم ثلج بشكل ثابت يعني ببساطة فينا نعرف أنو المسافة بين من نقطة 1 ونقطة 2 كم متر، بنضربها بـ2سم بيطلع معنا سماكة الحجر عند هديك النقطة، موضوع سهل وبسيط وسهل التنبؤ وهاد بنسميه التغير الخطي Linear change.

الحالة التانية: أنو يكون تأثير العوامل المؤثرة على كمية الثلج المتجمع على الحجر غير ثابت مع تقدم التغير ولكنها متغيرة بطريقة معروفة، بهي الحالة بكون التغير مو ثابت وفي منو نوعين أنو يكون تأثير هي العوامل عم يقل مع تقدم التغير متل أنو معامل التصاق الثلج بكرة الثلج عم يقل كل ما صارت الكرة أكبر بالتالي التأثير هون بيصير أقل وحجم الكرة بيزداد بنسبة أقل مع تقدمها بالدحرجة وبنسمي هاد التغير تغير تناقصي أو تغير تضاؤل أسي exponential decay؛ أو بكون التأثير عم يزداد مع تقدم التغير متل أنو معامل الوزن اللي بيساعد على الالتصاق عم يزداد تأثيرو بسبب زيادة وزن الكرة مع تقدمها بالدحرجة وهون حجم الكرة بيزداد بنسبة أكبر مع تقدمها بالدحرجة وبنسمي هاد التغير تغير تزايدي أو تغير نمو أسي exponential growth.

الحالة التالتة: أنو يكون تأثير العوامل المؤثرة على كمية الثلج المتجمع على الحجر غير ثابت مع تقدم التغير ومتغيرة بطريقة غير معروفة بشكل دقيق وكل شوي بيطلع عامل جديد بالإضافة إلى تفاعل العوامل مع بعضها واللي بينتج عنو تأثير مستقل لهاد التفاعل، هون بكون التغير صعب أنك تتنبأ فيه وقد ما تحاول تحصر هي العوامل وتحاول تحطها ضمن معادلات للتنبؤ بوضع الشيء المتغير على طول بتتفاجأ بشي جديد بيضرب حساباتك. متل إذا كانت كرة هالثلج عم تتدحرج وفجأة طلع بوشها صخرة أو شجرة شال جزء منها أو مثلاً سببت انهيار ثلجي ضاعف تأثيرها وحجمها هي كلها شغلات ما كانت من البداية وأثرت بشكل كبير وقد يكون جذري على توقعك لطبيعة التغير...

ليش كل هالحكي؟ ببساطة كتير أمور الإنسان كان حاسبها على أنها تغيرات أسية ممكن التنبؤ فيها ولكن حماقتو وتخبيصو بهالطبيعة جبرت الطبيعة تفاجؤو والأخ كل ما تفاجأ أكتر كل ما زاد إنكارو أكتر وتخبيصو أكتر وأكتر... كتير موارد غير متجددة من نفط وأسمدة وغيرها الإنسان كان حاططلها مخطط توقعي لاستهلاكها مثلاً (الأرقام افتراضية في هذا المثال) بعام 2000 يتوقعوا أنو بعام 2050 كمية الفوسفات رح تقل بنسبة 20 بالمية عن الكمية الحالية يقوموا ينصدموا أنو نزلت بنسبة 20% بعام 2015. ونفس الشي موضوع انبعاثات الغازات وغيرها..

النهفة أنو بتقول للواحد أنو بعام 2100 مثلاً الإنسان ما رح يقدر يأمن أكل، بقوم بقلك إي عطيني عمر لوقتها طيب عزيزي رح إجي معك من وجهة نظرك الأنانية المفرطة طيب شو رأيك أنو ممكن تتفاجأ ويكون التوقع غلط والإنسان يواجه هألمصيبة عام 2050 وقتها رح تكون كبير بالعمر ورح يكون الوضع عليك أصعب...

طيب مشان ما كتير نحكي بالتوقعات خلينا نشوف هالمثال "اللطيف" اللي بالصورة..
بالصورة تقرير L’Obs، وفيع مذيعة الطقس Évelyne Dhéliat على القناة الفرنسية TF1 تعرض توقعات الطقس بفرنسا لعام 2050 حسب المنظمة العالمية للأرضاد الجوية World Meteorological Organization بتلاقو النشرة كاملة منشورة على اليوتيوب بتاريخ 6 كانون الأول عام 2014 والعالم وقتها كتير قالوا أنو في مبالغة بالتقرير وأنو معقولة الحرارة تصير 40 بفرنسا..
بالصورة اللي تحتها الحرارة السنة (بالشهرين اللي مضوا) بموجة الحر اللي صارت.


يعني توقعات 2050 تحققت بالـ2019 ولسه في عالم بتقول ما في احتباس حراري، طبعًا هي موجة حر والأرقام هي مو بالضرورة تتكرر كل سنة (لأنو في فرق بين شي اسمة طقس Weather وشي اسمو مناخ Climate) لكن الأكيد أنو رح تتكرر موجات الحر هي كتير وبمناطق تانية رح تقابلها موجات برد قاسية يعني الطقس رح يكون متطرف بسبب هالتخبيص ذو التأثير التراكمي التزايدي الأسي غير المتوقع...
......
ملحوظة: ذكرت كلمة تنبؤ عدة مرات للمزيد حول معنى التنبؤ علميًا والفرق بينو وبين التنبؤ والنبوءات اللاعلمية فيكم تشوفو مقال سابق إلي حول الموضوع.

مصادر:

Comments

Post a Comment

أكثر المقالات قراءة:

قراءة في "معجزة خلق الجنين" ما بين السردية الإسلامية وكتاب غالين

-
Image
  كثيرًا ما نجد نقاش "ديني- لاديني" حول ما يسمى بمعجزة "خلق الجنين" في القرآن، والرد عليها من قبل اللادينيين  بأنه حتى نقول عن شيء أنه "معجز" - بفرض أن لكلمة معجز معنى أساسًا- فإنه على الأقل يجب أن يحقق بعض الشروط، منها: - أن يكون مذكورًا بشكل واضح لا يحتمل التأويل أو التشكيك أو المعارضة (فما طرأ فيه الاحتمال بطل فيه الاستدلال". - أن لا يكون من الممكن الوصول إليه بأدوات وعلم ذلك الزمان. - أن يكون غير مذكور مسبقًا بسرديات أقدم. ما سأركز عليه في هذا المقال هو آخر جزئيتين، كون جزئية التأويل يتم التلاعب فيها ولا أرغب في إضاعة وقت أي منكم، لذا سأفترض التأويلات الحديثة صحيحة، وأثبت أن البشر وصلوا لها بطريقة طبيعية قبل ذكرها في القرآن بمئات السنين بل وبشكل أدق وأوضح. الآيات التي سيتم نقاشها هي: {وَلَقَدْ خَلَقْنَا الْإِنسَانَ مِن سُلَالَةٍ مِّن طِينٍ (12) ثُمَّ جَعَلْنَاهُ نُطْفَةً فِي قَرَارٍ مَّكِينٍ (13) ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ
اقرأ المزيد »

أصل الحياة (التولد الذاتي)، ودراسة جديدة لردم جزء من هذه الفجوة

-
Image
كُتبت في: 29/09/2021 منذ خمسة أيام نشرت مجلة Nature مقالًا يساهم في ردم فجوة "نشوء الحياة على الأرض"؛ لفهم هذه الفجوة وما أضافته هذه الدراسة الجديدة اقرأ هذا المقال.. في عالم المعرفة والعلوم توجد العديد من الفجوات العلمية والمعرفية التي تعمل البشرية على ردمها، وتختلف طرق سد هذه الفجوات باختلاف العقليات، فمنها العقليات المثابرة الصادقة مع نفسها في البحث عن الحقيقة مهما كان البحث صعبًا والحقيقة غير مرضية للعواطف أو التوقعات؛ ومنهم العقليات التي تسعى لسد هذه الفجوات بأي جواب بغض النظر عن صحته إما لتقليل عبء الجهل الذي تحس به وعدم تقبلها لحقيقة أننا لا نعرف ولن نعرف كل شيء، أو لكي تروج لإيديولوجيا ومعتقدات تعتقد بها وتعرف أن كشف حقيقة الجواب سيضر بمعتقداتها.. وباستغلال هذه الفجوات العلمية نشأ عندنا العديد من مروجي العلوم الزائفة  Pseudoscientists   ومروجي المعتقدات الدينية والفلسفية الخاطئة باستخدام ما يعرف بمغالطات التوسل بالمجهول Appeal to Ignorance ونقل عبء الإثبات Shifting the Burden of Proof وإله الفجوات God of the Gaps، والذين لا يقدمون أي دليل على أي طرح يطرحون بل يكتفون ب
اقرأ المزيد »

الفرق بين الحجة والادعاء والدليل، وما هي أنواع الدليل

-
Image
  كُتبت في 06/01/2022: كثيرًا ما يتم الخلط بين العديد من المصطلحات المتعلقة بالبناء المعرفي في المحاججات والنقاشات غير الأكاديمية وأحيانًا في الأكاديمية أيضًا، والذي يؤدي بدوره إلى إيصال أفكار مغلوطة للمتلقي؛ وبالتالي فإن تحرير هذه المصطلحات عبر تعريفها والمقارنة بينها يُعد أساسًا لا بد منه لإزالة اللغط.. كنت قد تحدثت سابقًا عن نظرية المعرفة في هذا المقال   ومتى نستطيع أن نقول عن الادعاء أنه معرفة، وأنه لا بد أن نحقق ثلاثة شروط أساسية حتى نقول عن ادعاء Claim ما أنه معرفة Knowledge وهذه الشروط الثلاثة هي: الاعتقاد Belief، والتبرير (التسويغ) Justification، والتحقق (الصحة) Truth. كما بينت في مقالٍ ثانٍ  المسميات التي نطلقها على الادعاء في حال عدم تحقق شرط أو أكثر من هذه الشروط حيث أنه لم يعد يمكننا أن نسميه معرفة، وهنالك أيضًا بعض الغرف المسجلة (مدرجة آخر المقال) تشرح الموضوع بتفاصيل أكثر. كما وضحت في عدة مواضع سابقة أن إدراك الإنسان لما يحيط به وتحليله يعتمد على عدة أمور والتي نعتبرها مصادر للمعرفة (بمعنى أنها تعطينا الشرط الأول للمعرفة وهو الاعتقاد Belief والذي هو شرط لازمٌ لكن غير كافٍ
اقرأ المزيد »

هل يمكن نفي ما لا دليل عليه؟ إثبات الادعاء السلبي المبهم Proving a Negative

-
Image
  كُتبت في 20/01/2022 كثيرًا ما نسمع في النقاشات ادعاءات غَيبية لا دليل عليها سواء لوجود شيء ما أو حدوث أشياء ما، وعندما يطلب المحاور الآخر من الشخص صاحب الادعاء إثبات ادعاءه يلجأ صاحب الادعاء إلى الطلب من المحاور الآخر إثبات عدم صحة ادعائه. كأن يدعي أحدهم وجود الجن أو الأشباح وعند طلب الدليل على ادعائه يجيب بأنك لا تستطيع إثبات عدم وجودهم.. في الأحوال العادية نكتفي بإجابة الشخص بأنه يرتكب مغالطة تحويل عبء الإثبات Shifting the burden of proof والتي يقوم فيها صاحب الادعاء بتحويل عبء تقديم الدليل على الآخر على الرغم من أن البينة على من ادعى؛ وكذلك ارتكاب مغالطة التوسل بالجهل Appeal to ignorance والتي فيها يعتمد شخص ما على جهلنا بكيفية حدوث شيء ما فيسمح لنفسه بتقديم طرح لا دليل عليه بحجة "أنه على الأقل يملك جواب بينما الآخر لا يملك جواب" وكأن الحل هو امتلاك جواب دون دليل! ولكن وبعيدًا عن المغالطات المنطقية دعونا نتسآءل: لماذا لا يمكننا نفي ما لا دليل عليه أو ما يسمى بإثبات الادعاء السلبي؟ في البداية دعونا نميز الفرق بين الادعاء الإيجابي Positive Claim والادعاء السلبي Negative
اقرأ المزيد »

ما بين رهان باسكال ورهان أوريليوس يتم التفريق بين التاجر والإنسان.. بين الإيمان والأخلاق

-
Image
كُتبت في: 28/09/2017 أكتر شي ممكن تسمعه لما بتكون عم تناقش أي شخص حول ماهية الإيمان ومنطلقو ومنطقو هوي رهان باسكال.. هاد الرهان اللي بوحد معظم المؤمنين من كافة الأطياف (وهاد شي جد نادر)..  رهان باسكال أو Pascal’s Wager هو شي بسيط كتير: "الإيمان هو الرهان الحكيم. فالإيمان لا يمكن إثبات صحته أو ضمانه، بالتالي ما الضرر اللي ممكن يصيبك إذا قامرت عصحته وآمنت وتبين بعدين أنو مو صحيح؟ ما في أي ضرر لأنو إذا طلع الإيمان صحيح وفي منو مكسب فأنت بهالحالة كسبت كل شيء، أما إذا كان الإيمان مو صحيح وما في شي تآمن فيه فأنت فعلياً ما خسرت شي، يالتالي ومن دون تردد، أنت لازم تآمن لأنو هالشي أضمن". بعبارات أخرى: 1- إن آمنت بالله وكان الله موجوداً، فسيكون جزاؤك الخلود في الجنة، وهذا ربح لا محدود. 2- إن لم تؤمن بالله وكان الله موجوداً، فسيكون جزاؤك الخلود في جهنم، وهذه خسارة لا محدودة. 3- إن آمنت بالله وكان الله غير موجود، فلن تُجزى على ذلك، هذه خسارة محدودة. 4- إن لم تؤمن بالله وكان الله غير موجود، فلن تُعاقب لكنك ستكون قد عشت حياتك، وهذا ربح محدود. يعني أنت بتراهن على الربح اللامحدود وتجنب الخسار
اقرأ المزيد »