TOT والتنمية البشرية الاحتيال المقنع فيما يخص الشهادات المعترف فيها

-



كُتبت في: 06/08/2018

الـTOT والاحتيال المقنع فيما يخص الشهادات المعترف فيها..

النوع الأول من الاحتيال المقنع هوي اعتماد اسم شهادة حقيقية واستخدامها في اختصاص مخالف، فالشهادة هيي تصريح معتمد لممارسة اختصاص معين فإذا أنت معك دكتوراه بالغذاء هاد ما بخولك تشتغل صيدلاني أو طبيب والعكس صحيح إذا أنت طبيب أو صيدلاني فهاد ما بخولك تشتغل بالحميات الغذائية (إلا في حال كنت طبيب مختص بمجال العلاج الغذائي والحميات وهيك شي) وطبعاً من فترة شفت حمية غذائية عاملها صيدلاني الصراحة اللي ما بحياتو دارس حميات بيعمل أحسن منها لأنو هالحمية كفيلة أنها تخليك تخسر 10 كيلو بظرف جمعتين هي إذا قدرت تكمل جمعتين بس رح تترافق بفقر دم ونقص اغذية وسرعة استرجاع وزن بمجرد إيقافها..

النوع التاني من الاحتيال المقنع هوي تغليف العلم الزائف اللي عم تقدموا (خاصة التنمية البشرية) بشهادة معترف فيها سهلة الاكتساب وهون نقطة الـTOT.
TOT بتعني Training of Trainers يعني تدريب المدربين وهيي أنو يجوا مدربين محترفين مختصين يدربوا أشخاص ليصيروا قادرين يدربوا أشخاص مبتدئين بكفاءة جيدة.. وهي شهادة معتمدة (غالباً حسب الجهة اللي عم تعطيها) وسهل الحصول عليها سواءاً مادياً أو كوقت (3-7 أيام).. بس وين اللعبة؟ اللعبة أنو هي الشهادة ما بتخولك غير أنك تكون قادر على إدارة الجلسة وتقديم المعلومة بس ما بتعني أنك صرت مختص بمجال ما.. يعني أنو أنت لازم تكون مختص وآخد شهادة بتخولك تمارس هالاختصاص والـTOT بس بتدربك كيف بتقدم المعلومة للناس..

وهي الـTOT ما ألها علاقة شو شهادتك أو شو نوع المعلومات اللي بدك تقدمها ممكن تكون تربية أسرة، توعية جنسية، إدارة أعمال، تعليم، أو أي شي يعني شهادتك هيي الأساس..
بس جماعة التنمية البشرية بيلعبوا لعبة أنو تعال بدي أعطيك شهادة TOT في التنمية البشرية مشان إذا سألت المدرب شو معك شهادة بقلك معي TOT ومعترف فيها من هالجهة وهالجهة وهوي بكون عمل متل اللي بكون فاتح معمل مرتديلا فاسدة بقوم بجيب شركة معترف فيها تفحص العلبة المعدنية وتعطيك شهادة أنها سليمة تقوم أنت تطبع الشهادة عالعبوة ومين ما يسألك هالمرتديلا سليمة ولا فاسدة تقلو سليمة وتفرجيه شهادة الشركة بسلامة علبة المرتديلا الخارجية دون التطرق للمحتوى.

والمهم أنو لازم تعرفوا أنو الـTOT أحياناً بتكون لازمة بس مو كافية يعني إذا قدمت عشغل فممكن يطلبو منك تكون عامل TOT هاد بعد ما يشوفوا شهادتك الأصلية وكفاءتك ويقبلوك.. وفي كتير شهادات تانية هيك مثلاً إذا قدمت ببريطانيا على شغل بشركة غذائية فإذا تطابق اختصاصك وخبرتك ونجحت بالمقابلة بيطلبو منك فوق هالشغلات شهادة نظافة غذائية Food Hygiene Certificate اللي ممكن تاخدها بكورس أونلاين بتدرسو كم يوم مشان تعرف كيف بتتعامل مع الأغذية بس حق هيك شهادات صفر بدون ما يكون عندك اختصاص أو خبرة وهون الاحتيال المقنع اللي بفهمك أنو أنت صرت مدرب "تنمية بشرية" بمجرد أخدت TOT.

ما رح حط صور كتير للشهادات بس اكتبو TOT in Human Development عالغوغل وفوتوا عالصور وشوفوا مئات الشهادات بالعربي والإنكليزي بس كلها لعرب وصادرة عن مصادر عربية، بس أحلى شي لقيتو هوي شهادتين وحدة صارة عن Oxford Academy واللي هيي عربية والتانية عن Canadian Training Center Of Human Development واللي هوي بمصر.


أما موضوع التنمية البشرية ببساطة هوي متل بيع الوهم يعني هيي عبارة عن أشخاص بلا خلفية علمية محددة بيعتمدوا على أمور عامة غير منطلقة من أي شي علمي وبيعتمدوا عالكلام المنمق اللي بيرفع المعنويات فقط لا غير.. 
هل هاد الشي جيد؟ ما دام رفع معنويات فهوي مو سيء بس بيصير سيء لما بصير ادعي أنو علم وافتحلو معاهد واعطي شهادات الشخص اللي بياخدها بفكر حالو اشتغل شي لمستقبلو بينما بالحقيقة هي شهادات مو معترف فيها برا حيطان المعهد اللي عطاه ياها.. وبيصير سيء أكتر لما العالم بيصيرو يدفعو مصاري مشان هدول "المدربين" يبيعوهم الهوا وبيصير أسوأ وأسوأ لما بيصير يتصنف كعلم لأنو هاد بيضرب موثوقية المؤسسة اللي بتعترف فيه..
يمكن حدا يقلي أنو هي متل العلاج النفسي وهاد علم.. هون بحب قول أنو هي الشغلات علم لما بتكون بطرق مدروسة ضمن اختصاصات نفسية واجتماعية بتخلي الشخص يعرف يحلل ويعرف النتائج والعواقب مو يدرسوه جمعتين ويتركوه عالبشر، يعني هي متل لما المنجم تبع الأبراج بقلم يا أخي الفلك علم.. صحيح الفلك علم بس أنت مو عالم فلك أنت منجم!

مثال على مدى النفاق هوي المؤسس الفعلي للتنمية البشرية بالشرق الأوسط "الدكتور" ابراهيم الفقي اللي أنشأ مراكز للتنمية البشرية.. خلينا نشوف وضعو:

- أولاً بيدعي أنو دكتور وإذا بنبحث عالدكتوراه تبعو بنلاقيها من جامعة بأميركا اسمها جامعة ميتافيزيقيا "يعني جامعة الما ورائيات" University of Metaphysics (الموقع تبعها) com يعني تجاري مو أكاديمي وهيي للدراسة عن بعد distance learning وتصنف كمدرسة لاهوتية غير معتمدة أكاديمياً unaccredited theological school والألعن أنو بتديرها وزارة الميتافيزيقيا الدولية International Metaphysical Ministry هي نفسها تبع هاري پوتر 😂..

- تانياً يعرف عنو أنو مؤلف لعلم "ديناميكية التكيف العصبي، وعلم قوة الطاقة البشرية"، وهو علم زائف، وغير هيك "الدكتور" الفقي ما عندو ولا منشور علمي بهالخصوص يعني مألف علم كامل بلا ورقة منشورة.

- تالتاً رئيس مجلس إدارة المعهد الكندي للبرمجة اللغوية- عندو تلات "معاهد بكندا" مو معترف فيهم من أي جهة أكاديمية يعني متل إذا فتحت نادي رياضي وسميتو "نادي علم الأكوان لطبخ الحيتان" ما حدا رح يقلي لا بس الاعتماد الأكاديمي academic accreditation لهي المراكز ولشهاداتها صفر يعني متبع أسلوب الجامعة اللي أخد شهادتو منها.

أخيرًا وكما قلت سابقًا الـTOT ممكن تكون بأي شي، أمثلة عن شهادات TOT لجهات مختلفة وباختصاصات ما ألها علاقة ببعضها:

Comments

Post a Comment

أكثر المقالات قراءة:

قراءة في "معجزة خلق الجنين" ما بين السردية الإسلامية وكتاب غالين

-
Image
  كثيرًا ما نجد نقاش "ديني- لاديني" حول ما يسمى بمعجزة "خلق الجنين" في القرآن، والرد عليها من قبل اللادينيين  بأنه حتى نقول عن شيء أنه "معجز" - بفرض أن لكلمة معجز معنى أساسًا- فإنه على الأقل يجب أن يحقق بعض الشروط، منها: - أن يكون مذكورًا بشكل واضح لا يحتمل التأويل أو التشكيك أو المعارضة (فما طرأ فيه الاحتمال بطل فيه الاستدلال". - أن لا يكون من الممكن الوصول إليه بأدوات وعلم ذلك الزمان. - أن يكون غير مذكور مسبقًا بسرديات أقدم. ما سأركز عليه في هذا المقال هو آخر جزئيتين، كون جزئية التأويل يتم التلاعب فيها ولا أرغب في إضاعة وقت أي منكم، لذا سأفترض التأويلات الحديثة صحيحة، وأثبت أن البشر وصلوا لها بطريقة طبيعية قبل ذكرها في القرآن بمئات السنين بل وبشكل أدق وأوضح. الآيات التي سيتم نقاشها هي: {وَلَقَدْ خَلَقْنَا الْإِنسَانَ مِن سُلَالَةٍ مِّن طِينٍ (12) ثُمَّ جَعَلْنَاهُ نُطْفَةً فِي قَرَارٍ مَّكِينٍ (13) ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ
اقرأ المزيد »

أصل الحياة (التولد الذاتي)، ودراسة جديدة لردم جزء من هذه الفجوة

-
Image
كُتبت في: 29/09/2021 منذ خمسة أيام نشرت مجلة Nature مقالًا يساهم في ردم فجوة "نشوء الحياة على الأرض"؛ لفهم هذه الفجوة وما أضافته هذه الدراسة الجديدة اقرأ هذا المقال.. في عالم المعرفة والعلوم توجد العديد من الفجوات العلمية والمعرفية التي تعمل البشرية على ردمها، وتختلف طرق سد هذه الفجوات باختلاف العقليات، فمنها العقليات المثابرة الصادقة مع نفسها في البحث عن الحقيقة مهما كان البحث صعبًا والحقيقة غير مرضية للعواطف أو التوقعات؛ ومنهم العقليات التي تسعى لسد هذه الفجوات بأي جواب بغض النظر عن صحته إما لتقليل عبء الجهل الذي تحس به وعدم تقبلها لحقيقة أننا لا نعرف ولن نعرف كل شيء، أو لكي تروج لإيديولوجيا ومعتقدات تعتقد بها وتعرف أن كشف حقيقة الجواب سيضر بمعتقداتها.. وباستغلال هذه الفجوات العلمية نشأ عندنا العديد من مروجي العلوم الزائفة  Pseudoscientists   ومروجي المعتقدات الدينية والفلسفية الخاطئة باستخدام ما يعرف بمغالطات التوسل بالمجهول Appeal to Ignorance ونقل عبء الإثبات Shifting the Burden of Proof وإله الفجوات God of the Gaps، والذين لا يقدمون أي دليل على أي طرح يطرحون بل يكتفون ب
اقرأ المزيد »

الفرق بين الحجة والادعاء والدليل، وما هي أنواع الدليل

-
Image
  كُتبت في 06/01/2022: كثيرًا ما يتم الخلط بين العديد من المصطلحات المتعلقة بالبناء المعرفي في المحاججات والنقاشات غير الأكاديمية وأحيانًا في الأكاديمية أيضًا، والذي يؤدي بدوره إلى إيصال أفكار مغلوطة للمتلقي؛ وبالتالي فإن تحرير هذه المصطلحات عبر تعريفها والمقارنة بينها يُعد أساسًا لا بد منه لإزالة اللغط.. كنت قد تحدثت سابقًا عن نظرية المعرفة في هذا المقال   ومتى نستطيع أن نقول عن الادعاء أنه معرفة، وأنه لا بد أن نحقق ثلاثة شروط أساسية حتى نقول عن ادعاء Claim ما أنه معرفة Knowledge وهذه الشروط الثلاثة هي: الاعتقاد Belief، والتبرير (التسويغ) Justification، والتحقق (الصحة) Truth. كما بينت في مقالٍ ثانٍ  المسميات التي نطلقها على الادعاء في حال عدم تحقق شرط أو أكثر من هذه الشروط حيث أنه لم يعد يمكننا أن نسميه معرفة، وهنالك أيضًا بعض الغرف المسجلة (مدرجة آخر المقال) تشرح الموضوع بتفاصيل أكثر. كما وضحت في عدة مواضع سابقة أن إدراك الإنسان لما يحيط به وتحليله يعتمد على عدة أمور والتي نعتبرها مصادر للمعرفة (بمعنى أنها تعطينا الشرط الأول للمعرفة وهو الاعتقاد Belief والذي هو شرط لازمٌ لكن غير كافٍ
اقرأ المزيد »

هل يمكن نفي ما لا دليل عليه؟ إثبات الادعاء السلبي المبهم Proving a Negative

-
Image
  كُتبت في 20/01/2022 كثيرًا ما نسمع في النقاشات ادعاءات غَيبية لا دليل عليها سواء لوجود شيء ما أو حدوث أشياء ما، وعندما يطلب المحاور الآخر من الشخص صاحب الادعاء إثبات ادعاءه يلجأ صاحب الادعاء إلى الطلب من المحاور الآخر إثبات عدم صحة ادعائه. كأن يدعي أحدهم وجود الجن أو الأشباح وعند طلب الدليل على ادعائه يجيب بأنك لا تستطيع إثبات عدم وجودهم.. في الأحوال العادية نكتفي بإجابة الشخص بأنه يرتكب مغالطة تحويل عبء الإثبات Shifting the burden of proof والتي يقوم فيها صاحب الادعاء بتحويل عبء تقديم الدليل على الآخر على الرغم من أن البينة على من ادعى؛ وكذلك ارتكاب مغالطة التوسل بالجهل Appeal to ignorance والتي فيها يعتمد شخص ما على جهلنا بكيفية حدوث شيء ما فيسمح لنفسه بتقديم طرح لا دليل عليه بحجة "أنه على الأقل يملك جواب بينما الآخر لا يملك جواب" وكأن الحل هو امتلاك جواب دون دليل! ولكن وبعيدًا عن المغالطات المنطقية دعونا نتسآءل: لماذا لا يمكننا نفي ما لا دليل عليه أو ما يسمى بإثبات الادعاء السلبي؟ في البداية دعونا نميز الفرق بين الادعاء الإيجابي Positive Claim والادعاء السلبي Negative
اقرأ المزيد »

ما بين رهان باسكال ورهان أوريليوس يتم التفريق بين التاجر والإنسان.. بين الإيمان والأخلاق

-
Image
كُتبت في: 28/09/2017 أكتر شي ممكن تسمعه لما بتكون عم تناقش أي شخص حول ماهية الإيمان ومنطلقو ومنطقو هوي رهان باسكال.. هاد الرهان اللي بوحد معظم المؤمنين من كافة الأطياف (وهاد شي جد نادر)..  رهان باسكال أو Pascal’s Wager هو شي بسيط كتير: "الإيمان هو الرهان الحكيم. فالإيمان لا يمكن إثبات صحته أو ضمانه، بالتالي ما الضرر اللي ممكن يصيبك إذا قامرت عصحته وآمنت وتبين بعدين أنو مو صحيح؟ ما في أي ضرر لأنو إذا طلع الإيمان صحيح وفي منو مكسب فأنت بهالحالة كسبت كل شيء، أما إذا كان الإيمان مو صحيح وما في شي تآمن فيه فأنت فعلياً ما خسرت شي، يالتالي ومن دون تردد، أنت لازم تآمن لأنو هالشي أضمن". بعبارات أخرى: 1- إن آمنت بالله وكان الله موجوداً، فسيكون جزاؤك الخلود في الجنة، وهذا ربح لا محدود. 2- إن لم تؤمن بالله وكان الله موجوداً، فسيكون جزاؤك الخلود في جهنم، وهذه خسارة لا محدودة. 3- إن آمنت بالله وكان الله غير موجود، فلن تُجزى على ذلك، هذه خسارة محدودة. 4- إن لم تؤمن بالله وكان الله غير موجود، فلن تُعاقب لكنك ستكون قد عشت حياتك، وهذا ربح محدود. يعني أنت بتراهن على الربح اللامحدود وتجنب الخسار
اقرأ المزيد »