Written By Hasan Iessa

  كُتبت في:  25/04/2019 "الأذن تحلل البيانات قبل الدماغ أحيانا" والإنسان ابن لغتو، ولذلك فاكتساب لغة تانية يكسب الإنسان أذنين ودماغين وليس لسانين فقط.. الكثير من الأمور قد نفهما بشكل خاطئ لأننا نسمعها بلغتنا فنُسقط المعنى العام الخاطئ على المعنى الخاص الصحيح بينما لو كنا سمعناها بلغة أخرى لكان المعنى أوضح لعدة أسباب قد يكون أهمها اهتمام اللغة بحد ذاتها بالتفريق بين هذه المصطلحات أو لأننا قمنا بإسقاطها على معنى خاطئ لاعتيادنا عليه. كأشخاص ناطقين بالعربية ومن خلفيات اجتماعية وثقافية معروفة كلمة التنبؤ لما نسمعها فورًا دماغنا بروح على معاني متل التنبؤ بمستقبل الشخص، النبوءات، الأديان، التنجيم، التبصير، قراءة الفنجان، الضرب بالمندل (وهي غير الضرب بالمنجل لأنو المنجل مفيد على عكس المندل)، الأبراج، " الدكتور العظيم" مايك فغالي، ست الكل نجلا القباني، وهيك أمور مشابهة من مخلفات العصور الوسطى. لكن من النادر حدى يروح فكرو على التنبؤ التجريبي، والتوقع الإحصائي، والاستقراء الداخلي (الاستيفاء)، والاستقراء الخارجي (الاستكمال)، والإسقاط وغيرها، وهون خلوني وضح الفروق بطريقة مبسطة ق

  كٌتبت في: 16/08/2019 كل ما عرفت أكثر كل ما شفت الحياة أبشع.. طبعًا هالموضوع مو جديد وكتير انحكى عنو أدبيًا وكتار منا بيعرفوا أمثال وأشعار متل (قالوا جننت بمن تهوى فقلت لهم.. ما لذة العيش إلا للمجانين- قيس بن الملوح العامري « مجنون ليلى») و(ذو العقل يشقى في النعيم بعقله.. وأخو الجهالة في الشقاوة ينعم- المتنبي).. فهل هالكلام صحيح وشو رأي العلم بالموضوع.. للأسف هاد الكلام صحيح لكن السبب لا يعود إلى أنو العلم بخلي الحياة أبشع بل لأنو العلم بخلي الشخص يشوف الحياة بشكل أوضح يعني بنضف النضارات اللي عم تطلع للحياة عبرها وهاد عبر طريقين: الطريق الأول إزالة كل الأمور الزائفة اللي بتتميز بالسهولة والبساطة والحلول السحرية السريعة واللي الكل بحبها، حلو أنك تكون قادر تتحكم بعقلك بعد تدريب خمس ساعات بس العلم بقلك هالكلام غير صحيح؛ حلو تكون قادر تحصل عاللي بدك ياه بمجرد أنك تفكر فيه وتطلبو بدماغك بس العلم بقلك هالكلام غير صحيح؛ حلو أنك تكون قادر تعرف شو رح يصير معك عبر الجريدة أو الراديو كل يوم صبح بس العلم بقلك هالكلام غير صحيح؛ حلو تكون قادر تعالج السرطان وما تخسر حياتك أو حياة حدا بتحبو إذا أكلت

  كٌتبت في: 12/08/2019 أي مواطن سوري أو عربي أو صيني أو أي دولة حيث حقوق الملكية غير مضمونة أو محفوظة بيعرف أسماء ماركات ثياب وأحذية وحتى إلكترونيات وأجهزة تقنية غريبة عجيبة مشتقة كاسم وكتير أحيان كلوغو من ماركة مشهورة متل مثلًا أديداس عملو منها أكتر من عشر ماركات مضروبة متل أديماس وأبيباس وأداداس وغيرها وكمان بوما ونايكي وآپل وكتير غيرها من الماركات.. هاد النوع من تزوير الماركات Brand Faking اسمو قرصنة العلامات التجارية Brand Piracy وتعرف بأنها عملية تسمية منتج ما بطريقة ما قد تؤدي إلى التشويش مع علامات تجارية معروفة أخرى. يعني هيي الاستخدام غير المصرح به لأسماء العلامات التجارية أو اللوغو أو التصاميم أو الوصف. ويتم هاد الشي أحيانًا مع تغييرات طفيفة بالاسم أو الشعار لا يتم الانتباه ما لم يتم التدقيق وهاد الشي بسبب خسارة كبيرة للشركات الأصلية صاحبة العلامة لأنها بتسبب خسارة في الإيرادات وبصورة العلامة التجارية وبسمعة المنتجات. طيب شو دخل هالشي بالعلم؟ للأسف حتى بالعلم في قرصنة علامات وأسماء، وهيي أنو يتم تسمية بعض العلوم الزائفة بمسميات توحي أنها علم بالرغم من أنها ليست كذلك وقد يكون ه

كُتبت في: 09/08/2019 ملحوظة: البوست قد يكون محبط ومحزن للبعض لذلك وجب التنويه والتنبيه.. بفترة الربيع والصيف بيكتر تكاثر الحيوانات والطيور ومع زيادة العدد بترتفع نسبة عامل الانتقاء الطبيعي من حيث بقاء الأصلح وموت الأقل قدرة على التأقلم، وإحدى طرق موت هالكائنات اللي بلحظها بشكل ملموس بهالفترات خاصة بالربيع هوي أنو بتم دعسها عالطريق من قبل السيارات.. أغلبها بكون حيوانات أو طيور فتية مو كتير منتبهة لهاد الخطر وأحياناً بسبب قرب أعشاشها وبيوتها من الطرقات. بحكم شغلي اللي بيتطلب سفر عطول كنت لاحظ أعداد كبيرة من الحيوانات والطيور خاصة الثعالب والقنافذ والغريّر وطير الفيزانت مدعوسين عالطريق.. منظر جداً مزعج ومؤذي خاصة إذا كنت بتحب الحيوانات كتير. الفكرة أنو من بين كل هالمشاهدات مبارح شفت قطة مدعوسة قطة بيضا وسودة طبعاً جداً زعجني المنظر بس اللي استغربتو أنو فترة الانزعاج استمرت لوقت طويل جداً مقارنة بالمعتاد.. وهون سألت حالي أنو ليش أنا انزعجت عالقطة بشكل أكبر بكتير من انزعاجي على الثعالب والفيزانتس اللي بشوفها بشكل يومي.. هون طلع معي عدة أمور بتحدد نسبة الحزن والتعاطف والتأثر بما أصاب الضحية:

  كٌتبت في:  08/08/2019 لأنه ليس بالضرورة أن تكون مجتهدًا حتى يكون لك نصيب، فمع خدمتنا يمكن أن تحصل على نصيب ا لأسد دون أي جهد أو اجتهاد أو مجهود أو إجهاد... لأنه ليس من المهم أن تفني عقلك وترهق راماته بالبحث أو تشغل دماغك وتملأ الهارد ديسك بالمعلومات، كلا ولا ونو ونوب وأبدًا، فمع خدمتنا زمن "البحث الجميل" ولّى وأفل ويمكن أن تغني له "وترحل" وأنت تشحن طاقتك الداخلية والخارجية وما بينهما وما خلفهما... لأنه ليس من المطلوب أن تفني سنوات عمرك المهمة في أمور سخيفة كالدراسة والشهادات وأصول البحث ومنهجيته (شو هالمسخرة يا رجل)، فمع خدماتنا ستصلك شهادتك ولقبك عالبيت وأنت قاعد وقبل أن تلحق تشيح نظرك عن السقف (ويا سيدي إذا ما عجبك لقبك بنعدلك ياه)... كل ده وأكتر مع خدماتنا في علوم الطاقة والتنمية البشرية والبرمجة اللغوية العصبية مع شركتنا المساهمة المُغفّلة (شدة عالفاء مو بالغلط) "شركة العلم الزائف لجمع المال مقابل اللفائف".. لدينا فروع في جميع الدول ونعمل جاهدين على دحش اسمنا بأي شي علمي وأكاديمي مو مشان شي بس مشان تضل السبوبة ماشية... أما جديدنا لهذا الموسم، وبعد أن