Written By Hasan Iessa

كُتبت في:  27/07/2018 عام 1503 وصل كولومبوس عشواطئ ما يعرف حالياً بجمايكا واستقبلوه السكان الأصليين (هنود الأرواك Arawak Indians) وضلو يزودوه هوي وطاقمه بالأكل والشرب شي ست شهور مقابل صحون وصواني وحلي وشغلات هيك. بعد ست شهور ونتيجة زيادة السرقات والقتل من طرف جماعة كولومبوس وملل الأرواك من تقديم الأكل ألهم وانتشار المجاعات قرروا السكان الأصليين أنو ما عاد يزودوهم بالاكل وهون كولومبوس كان قدام مصيبة. المهم كان في عالم ألماني اسمو يوهانس مولر ڤون كونيغسبيرغ Johannes Müller von Königsberg  (1436-1476) أو كما يعرف باسمو اللاتيني المستعار ، ريجيومونتانوس Regiomontanus كان عالم رياضيات وفلكي قبل ما يموت نشر روزنامة (تقويم) فيها جداول فلكية بتغطي السنوات من 1475-1506 لحركات الكواكب والتوافقات تبع الشمس والقمر والخسوف والكسوف وكولومبوس كان معو نسخة منها.  المهم صاحبنا اتطلع عنسختو لاقى انو رح يصير في خسوف كامل للقمر مساء الخميس 24 شباط 1504.  أخونا ما كذب خبر قبل تلات أيام من موعد الخسوف راح لعند زعيم قبيلة الأرواك وقلو أنو الإله غضب عليهم لأنهم ما عاد عطوهم أكل ورح يبعتلهم إشارة خلال تلات أيا

كُتبت في: 26/07/2018 حوار ممكن تسمعو بكل بيت كالتالي: - شخص: "لك وينو قميصي/ جراباتي/ موبايلي/ جزداني أو أي شي؟" - أم الشخص (وأحياناً زوجتو): "عندك بالخزانة أو بالدرج أو عالطاولة" - الشخص (بعد ما يكون رجع دور): "ما لقيتو وين حاطينو.. ما قلتلكم ألف مرة ما حدا يشيل غراضي" - أم الشخص (غاضبة): "طيب وإذا قمت ولقيتو؟!!!" - الشخص: "لاقيه وقرفي رقبتي" - أم الشخص تنهض وبتلاقيه - الشخص انقرفت رقبتو النهفة أنو الميزة اللي بتمنعنا نلاقي الشغلات بأماكن معتادين ع شوفتها يومياً هيي ميزة تطورت عند الثديات لحمايتها ولتحسين قدرتها على الوصول للهدف.. طيب كيف؟ الثديات عادة تقسم إلى قسمين مفترسين وفرائس وطبعاً ممكن يكون الكائن الثدي نفسو فريسة ومفترس في آن واحد بالتالي بيحتاج يطور أسلوبو الافتراسي وأسلوبو التحذيري ضد الخطر.. وأكتر شي بيعيق هدول التنين هيي كثرة أنواع البيانات التي بتوصل للدماغ عن طريق العين أو الأذن أو اللمس.. يعني تخيل معي أنو دماغك مطلوب منو أنو يحلل مختلف الأضواء المنعكسة من الأجسام اللي بمجال الرؤية وداخلة على عينو وترددات مختلف الأصوات

كُتبت في: 20/07/2018 الحياة بالنهاية هيي عبارة عن تجربة وأي شي ممكن تحويلو لأرقام أو بيانات أو أحداث أو نقاط وتحليلو ومعرفة صحتو بمنهج علمي قويم.  إحدى العبارات اللي كتير علقت براسي ولا زالت من أيام كنت أعمل ماستر ولحد هلأ بأي تجربة بعملها هيي عبارة رماها البروفيسور وهوي طالع من المخبر وضليت جمعة أقرأ عنها. العبارة كانت: “Correlation does not imply causation” واللي بتعني أنو الارتباط لا يشير إلى السببية وبما أنو كلمة imply معناها مو صارم وقاطع بالتالي ممكن فهم الجملة كالتالي: “Correlation does not always mean causation” يعني مو بالضرورة يكون الارتباط بيعني السببية وبالتالي إيجاد رابط بين عاملين ما بيعني أنو أحد العاملين سبب للتاني ممكن ببساطة يعني أنو العاملين ألهم سبب مشترك لحدوثهم او حتى ممكن يكون العاملين متواجدين في نفس العينة أو جملة المقارنة لسببين مختلفين (على مبدأ كل ما بروح نام بالليل بتكون الدنيا عتم. هون السببين مرتبطين بأنهم عم يصيرو بنفس الوقت بس ولا واحد سبب للتاني).  بالتالي منطق أنو الارتباط يعني السببية مرفوض بأي بحث بتقدمو (عالأقل بالمجلات المحكمة) وهوي بيندرج تحت مغا

حقوق الصورة محفوظة كُتبت في: 15/07/2018 إذا حبينا نحكي عن الوريث الحقيقي للأرض (الكائن الذي يعمرها ولا يفسد فيها) واستعرضنا جميع الكائنات بمختلف النطاقات والممالك والشعب والأصناف والرتب والفصائل والأجناس والأنواع بنكتشف أنو الوريث الحقيقي للأرض هوي الكائنات اليخضورية.  بناخد النباتات كمثال.. بتستهلك الضوء والماء والأملاح المعدنية وثاني أوكسيد الكربون للنمو والأوكسجين للتنفس. وبتنتج مركبات عضوية كخلايا وأنسجة جديدة والأوكسجين كناتج تركيب ضوئي وثاني أوكسيد كربون وماء ناتج تنفس.  يعني بتستهلك ماء وبتنتج ماء، بتستهلك أوكسجين وبتنتج أوكسجين، بتستهلك ثاني أوكسيد كربون وبتنتج ثاني أوكسيد كربون، يستهلك أملاح وبتنتج مركبات عضوية وأنسجة بتحوي مركبات الأملاح.  بالإضافة لدور الجذور بتثبيت التربة والأوراق بتنقية الهواء.  يعني ببساطة إذا بنحط هالوريث الرائع لحالو ضمن نظام بيئي مغلق بدون ما يكون معو كائنات مستهلكة متل الحيوانات والحشرات أو كائنات طفيلية متل الڤيروسات والبشر فهوي بيحتاج لتأمين الضوء والحرارة فقط.  تخيلو أنو ممكن هيك كائن يعتمد على نفسو بشكل كامل بدون ما تحتاج حتى أنك تسقيه لمدة سنوات

كُتبت في: 11/07/2018 باللغة في تلات مصطلحات مهمة وعدم التفريق بينها كان السبب الرئيسي لكتير مشاكل سببت دمار مجتمعات واستمرار إيديولوجيات ناشئة مو من حقها الاستمرار. هالتلات مصطلحات هني: text, subtext, context.. المصطلح الأول text وهوي "النص" وهوي شيء مكتوب يوحي بمعنى ما حسب الكلمات الموجودة فيه بمعزل عن أي شي تاني. المصطلح التاني subtext وهوي "المعنى الضمني للنص" وهو معنى النص اللي الكاتب عم يحاول يوصلو. ولفهم الsubtext لازم ربط النص text مع المصطلح التالت واللي هوي "سياق النص" context فسياق النص مهم جداً لفهم مضمون النص. فمثلاً إذا قلنا: "كانت تمشي ليلاً لوحدها حين رأته فسارعت خطواتها لتلقيه، ولكنه أشاح بنظره عنها، وبفعلته هذه وضع خنجراً آخر في صدرها فأرداها صريعةً، فهي بعد اليوم لن تفتح قلبها لآخر" النص text ممكن يكون أي جزء من الكتابة لذلك إذا أخدنا "وبفعلته هذه وضع خنجراً آخر في صدرها فأرداها صريعةً " دون السياق context اللي هوي كل المكتوب بين علامتي التنصيص رح يكون المعنى الضمني subtext اللي رح يوصلنا خاطئ وهوي أنو الشخص ارتكب جريم